X
تبلیغات
رایتل

گؤنلر بیر بیر اؤتورلر، گؤزووو آچیب یومورسان، ایل دؤنور. هاردا قالسین بیر ایکی گؤن، آدام یوخونودا دؤیونجا گؤره بیلمیر. اینسانین یئر اوزونده الی چاتمایان شی لره یوخودا ال تاپا بیلیر، یوخودا اولسا شیرین اولور. یوخونوندا بیر پیس لیگی وار اودا بوکی هم تئز بیتیر هم ده هر بیر ایتیفاق اونو پوزا بیلیر. پوزاندان سونرا نه قدر چالیشیرسان یادیووا سالاسان داها دوشمور، دوشسه ده آزاراق یاددا قالیر.

دان یئلی سؤکولمه کده یدی، سازاغین سویوغو یورقاندان ائشیکده قالمیش اوزومه چیرپیردی، بیر گیزیلتی بدنیمه چؤکدو یورقانی باشیما چکیدیم بؤزوشدوم بیر یئره. سازاخ اؤز ایشین گؤرموشدو منیم یوخوم قاچمیشدی، یؤرقونلوقدا ائلییه بیلمیردی یوخونو قایتارا.

هاوانین دورولوغو اینسانی فرحلندیریردی، یورقانی آیاقلاریم لا بیر قیراغا ووروب یئریمده اویان بویانا قه ینه شدیم، سینه گریب اللریمی سینه مه دؤیوب یئریمدن قالخدیم، یان یؤوره ده گؤز ایشله یه نه تک، آغاجی دی بیتگی دی، اینسان آثاریندان تکجه من ایدیم بیرده بیر دست یورقان دؤشک، حیس باسمیش بیر چایدان، بیر پیچاق، ایکی لووان دا واری ایدی.

   یاخینلاردان قوش سسی گلیردی، سسه قولاق آسدیقدا سسه دوغرو آددیم لاییردیم، آددیم لاریمی، سس سیز گؤتوروب قویوردوم بلکه قوشلار دیسکینیب قاچمایا لار، گئتدیکده اؤنوم ده بیر گؤل اؤزه چارپدی، بو گؤل کیچیک گؤل آنجاق چوخ دورودور، گؤلون اؤزونده رنگلی اؤرده کلر واریدی، اونلار اوخویوردولار، اؤرده کلرین رنگی، سویون دورولوغو، هاوانین آلا توران لیقی، اؤزل بیر دوروم یاراتمیشدی،

سویون دورولوغو هوسلندیریردی سویا جوموب اؤزمه یه، قوشلارین اوخوماسی هوسلندیردی طبیعت له بیرلشیب اؤز یئرینده اؤتوروب دبرمه مه یه، رنگلرین ترکیبین ده ایسته میردیم بیر بیرینه وورام، ائله اونا گؤرهده یئریمی برکیت مه یه چالیشدیم، اوردا دوروب باخام. هوسلنسم ده اؤزمه یه دؤزه م، هاوا قیزا اوندان سونرا اوزه م. ائله بو فیکیرده ایدیم کی حیس ائله دیم سو منیم آیاقلاریمین آلتینا دک زینه وئریب گلیب، بیرده ن، آیاقلاریم بوشا گئتدی،منه بیر خوش حیس ال وئردی، دئدیم ائله بوردا یئریم دن ترپنمه دن سویا دا گیره بیله رم، آیاغیمی آتدیقدا ، آلتی بوشا گئتدی، بیردن ائله بیل بیر سوبا بوروندان توستو بوغازیما دولدو، خفه لندیم، اؤسگوتمه ماجال وئرمه دی، گؤزومو آچدیقدا اؤزومو ماشین دا گؤردوم، بیر  اؤتوبوسون ایگزوزونون یانیندا، چیراق دا قیزاریب، سیگنال سسی هر یئری باسیب.  

هر گون آخشام اوستو بیر جور غریب سیه رم، نه ایسته مه ییمی ده بیله بیلمه رم،

هرگونه تای، بو گونده بئله بیر فضایا دالمیشدیم. چیخیب ائشیکده آددیم لاماق دا، منی هر نه دن چوخ اینجیدیر.

آددیم آتمامیشدان نئچه نفرلر سنه سورتوشورلر،  هر آددیمدا بیر نفره سورتوشمه لیسن.

آیاغیوی خیاوانا قویمامیشدان ماشینلارین سیقناللاری آدامی دیسکیندیریر، دینجلمه یه چیخماق ایسته ین، خسته خانادان باش چیخارمالی اولور، باغیشلایین دلی خانادان.

گؤنلرین فرقلری اولمور، تعطیل اولور اولسون یا باشقا بیر گون، هر گون ائشییه چیخماق قصدینیز اولسا ائله بئله دیر ایستر ایسته مز. ائله اونا گؤره ده یاخشی بودور اؤزوو چوخ اینجیتمه ییب ائوده اوتوراسان.

البت ائوده اوتورماق داندا یورولورسان، آمما نئینه مک یئنه ائوده اؤتورماق هر نه دن یاخشی اولور. 

دئییردیم او گؤنده باشقا گؤنلره تای، منی داریخما باسمیشدیر.

آددیم لاماقدا اولموردو آخی دوغروسو بیر سس سیز یئر تاپا یلسه یدیم، سؤزسوز گئدیب گزه ردیم.

تکجه سس دئییلدی کی اوندان قورتولماق اولا، توستویه نئینه مک اولار. سسی پامبیغلا کسمک اولار. توستویه نه چاره قیلا بیلردیم، ائله بو فیکیرلرده ایدیم کی بیردن گؤردوم خیاواندا آددیملاییرام،

هر حالدا هارا گئده جه ییم ده بللی دئییل دی،

بو هاوالاردایدیم کی بیر دن خیاوان قیراغیندا بیر نفر خورما پایلییان گؤردوم، ائله بیل اؤزونون خورماسین پایلاییردی، دییه سن قبیردن خوتدامیشدی. اونا گؤره ده دیققه تیمی اؤزونه چکدی،

او گؤزومه چوخ تانیش گلدی، آنجاق اونا دیققت سالمالی اؤلدوم، گؤره سن کیم دی بو آدام بئله تانیش نظره گلیر.

بیردن اونو خویداکی  یولداشلاریمین  بیرینه اوخشاتدیم ایرضا اولمالی اولاجاق، آمما آی بالا ایرضا جانلی باشلی دی، همده کی  او مندن یاشیت اولمالیدی، گؤردویوم کس مندن اون ایل چوخ یاشلی گؤسته ریردی.

دیلیم توتار توتماز سالاملاشدیم، گؤردوم منه باشینان جاواب وئریر، اودا تانیمیشدیر. من اؤز اؤزومه هویوخدوم؛ اولمویا بو آغلینی الدن وئرمیش اولا، ائله بو فیکیرده یدیم کی بیر سارالمیش قادین اونون یانیندا گؤردوم،

بیرده سالام وئردیم آی بالا سالام، ایرضا منم داش قاپی؛‌ یئنه باشلا جاوابلاندیم

اوچونجو کز اولاراق سالاملادیم آی بالا منم، تانیمیشدی منی آنجاق جاواب وئرمک ایسته میردی،

منده دالیسین توتمادیم. یولوما داوام وئردیم. بیرده قاییتدیم دیققت سالدیم، او چوخ سینمیشدی،

سینماغینین  دلیلین بیلمه دیم.

آددیملاماغا دای حالیم قالمامیشدی ائوه قاییتدیم.  

ائله او گونون سحری هر نه یادیمدان چیخدی