کیتاب سرگیسی

   تئهرانین کیتاب سرگیسی نئچه گوندور آچیلیب دیر، کیتاب سرگیسی نه گئتمه_یه ماراغیم چوخ اولار، گئدیب یایین ائولرینین یایدیق_لارینی بیر یئرده گؤرمک اؤزو چوخ دیرلی اولور. هر زامان کیتاب آلماق ایمکانی دا یارانمیر. تورکی کیتاب یایان یایین ائولرینین سایی آز دا اولسا، باشقا یایین ائولریندن قالابالیق اولورلار. البت بیر سیرا یایین ائولری ده وار کی اونلار دا دا قالابالیق_لیق چوخ وار، آمما بو پولسوزلوق چاغیندا هوسلنیرسن کیتاب آلماغا، کیتاب_لاری یوزده ییرمی اندیریمدن ساتلاسالار دا یئنه منیم گوجوم چاتمیر، دویون قارینا کیتاب آلماغا، گؤزوم قالیر کیتابلاردا، آلا دا بیلمیرم. سونرالار گلیب آلدیغیمی دوشونورم. کیتابلاری قوخولویوب چیخیرام.