ش | ی | د | س | چ | پ | ج |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 |
باتی آذربایجان آژانس خبرلرینین بیرینده "نوید آذربایجان" هفتهلییینین قاییتماغیندان خبر وئریلمیشدی. بو خبرین نه قدر سئویندیریجی اولماغینا بلکه دیله گتیره بیلمییم. کئچمیشدهکی گونلری خاطیرلادیر. بیر بؤللو درگیلر کئچمیشده بیزلری اؤزلرینه آلیشدیرارکن، قاپادیلیب یوخ اولموش کیمی اولوردولار. بو درگیلرین هر بیری اؤز ائتگیسینی قویوب گئدیردی. یول درگیسیندن توتموش، امید زنجان، جان آذربایجان، یارپاق، دیلماج، سینا(همدان)، وراوی و باشقالاری کی هربیری بیر منطقهنین سؤزون دانیشیردیلار دئیهسن. بونلارین ایچینده اوزون سوروب، داواملی هفتهلیک اولاراق یاییلان درگی، ائله بو نوید آذربایجان درگیسی ایدی. نوید آذربایجانی بیر ده دککهلرده گؤرمک هر کسی سئویندیرر. بوتون قاپادیلمیش درگیلریمیزین یئنیدن یاییملانماسیینین آرزیسلا، نویدی تئزلیکله گؤزلویوروک.
فیکیر نن تفاهم سوزه باغلانیر سوزلرین ارکانین فیکیر ساخلادیر
حق سوزی عدالت گوزللیک اولور یاشاما ، اعتبار عدالت وئریر
روحدان باغلی لیق حقه باغلانیر حقوقی نظام لار حقدن بارلانیر
اجرائی ضمانت حققی ساخلادیر اختیار فایداسین صاحابی آلیر
گورسه نیر ایندی دا اختیار یوخدی سویوموز دیلینده یازماقی یوخدی
ظالیملر بوحقی بیزلردن الیر نظامی حقوق لار بیزدن حق دانیر
گورسه دیر شیطانلار حققی باغلادیر تانری نین آدینان سویو آلدادیر
سویوموز شیطانا ندن باغلانیر سوزلودن حق وارین سویوموز دانیر!!
تانریا بنده لر حققی تانیسین اوزلرین احده محکم باغلاسین
شیطانا دانماسین وارلیقین پوزا شیطانی دانلاسین اوزلوکون توتا
شیطانینان تانری بیر یئرده اولماز شیطانا سینان لار تانری نی توتماز
حققی نن تکلیفه یوللار سالینیب تکلیف دن حقلرین واری ساخلانیب
بورجی وار بیزلره ایندی سلطه نین بورجونی وئرماقلیق اونادی بیلین
بورجلی بورجونی وئرمالی اولار سویوموز یازقی سین گئنه باشلادار
***
چول گونی
تکامل یوللارین بیلدیرن اولور
حیاتین وارلیقی حیات یارادیر
بولوت لار بیر بیرین تاپیب باغلانیر
دنیزلر وارلیقی اوننان شان لانیر
باشلانیر دا باهار بیلدیریش سالیر
سئوینج یاشلارینی بولوت جالادیر
آخیم لار وارینان حیات جانلانیر
محبت آخیمی اوننان پارلانیر
کونوللر وارلیقی داها آدلانیر
چول گونی قاباقدا هارای چکیری
سوفراسین آچیب دی گلین دئییری
کونولون کاساسی ایکی تیکه دی
بیریسی بیری نن وارلیق سسی دی
سینیق لار بیرلشسه کاسا دوزه لیر
حیاتین مایاسی اوننان سوزه لیر
گوزللیک گوزلده گوزل بئزه نیر .
***