X
تبلیغات
رایتل

  سون هفته‌لرده غربی‌آذربایجانین سینامالارینین باغلانماغیندان خبر گئتمیشدی. سیناما‌لارین باغلانماغی آذربایجاندا ایندی‌یه قاییت‌میر. چوخ اوزون زامان دیر سینامایا گئدن‌لرین آز اولدوق‌لارینا گؤره آذربایجانین هر بیر یئرینده سینامالار بیربیر قاپانیر. ایراندا اولان سیناما صنعتینده آذربایجانلا ایلگی‌لر فیلیم‌لر چکیلمیر. آذربایجانی ایلگی‌لندیرن فیلیمین کاراکتئرلرینین بیری فارسی‌نی آذربایجان لهجه‌سیله دانیش‌ماغی دیر. البت بارماق‌سایی‌سیندان آز فیلیم، آذربایجان‌لا ایلگی‌ده چکیلیب‌دیر. بو فیلیم‌لر آذربایجانین اوسطوره‌لرینه باغلی اولسالار دا فارسی دیلینده چکیلیب‌لر. فیلیمده اوینویان‌لار فارس‌لار اولوب‌لار، بونلاریلان بئله تکجه بو فیلیم‌لری یایان زامان‌لار آذربایجانین باشا-باشیندا سینامالار دولدولار.  

  آذربایجانلا ایلگی‌لی فیلیم چکیلمه‌دیـیین ندن‌لرینی آراشدیراندا نئچه ندنی سایماق اولار: 

1- سیستیماتیک اولاراق آذربایجان‌لا ایلگی‌لی فیلیم‌له‌ره جاواز وئریلمه‌مک  

بو ندنی پوزان آز اولسا دا آذربایجان‌لا ایلگی‌لی فیلیم‌لرین چکیلمه‌سی دیر. سارای‌، دومرول، ساوالان بو فیلیم‌لردن دیر. 

2- آذربایجان‌لا ایلگی‌لنن یؤنتمن‌لرین اولمادیق‌لاری.   

بو ندنی ایکی یئره بؤلمک اولار: بیرینجی‌سی آذربایجان کؤکنلی یؤنتمن‌لرین اولماماسی کی آذربایجانلی یؤنتمن‌لر واردیلار. بو قونودا آذربایجانی دویوزدورا بیلن قدر یؤنتمن واردیر. 

ایکینجی‌سی آذربایجان‌کؤکنلی یؤنتمن‌لرین مانقورت‌لاشمالاری، یا دا گیزلتمک‌لری. بونلار اوچون دونیانین سورونو آذربایجانین سورونو دیر، آذربایجانین دا سورونو؛ آذربایجانی منیمسه‌ین‌لرین سورونو دیر، اونلاری دا ایلگی‌لندیرمز، تکجه ایلگی‌لندیرن آذربایجانین باشقالارینین سورونلارینی چؤزمک‌دیر. چؤزمه‌دیرسه آذربایجانلی اینسان‌لیق‌دان اوزاق‌لاشیب.

3- آذربایجان‌لا ایلگی‌لنن فیلیم‌لرین دوزه‌لتمه پوللارینین اؤده‌نیلمه‌مه‌سی(یاتیریم یاپان‌لارین اولماماسی)  

بو قونو داها چوخ ائتگی‌لی اولسا دا، آذربایجانلی‌لاردان فیلیم‌چکن کومپانی‌لرین باشیندا دوران‌لاری واردیر. ناصیر شفق فارابی آدلانان فیلیم کومپانیسی‌نین باشچی‌سی دیر. 

4- آذربایجان‌لا ایلگی فیلیم‌لرین ساتیشی اولماماسی 

بو قونو دا دا دوزلن فیلیم‌لرین آذربایجاندا ساتیش‌لارینا باخدیق‌دا، ندن اولمامادیغینی گؤرمک اولار.   

 

  آذربایجانلی کؤکنلی یؤنتمن‌لرین تانینمیش‌لارینین اوچونو بیر کورد یؤنتمنی‌ایله توتوشدورورام؛ باخاق گؤرک نه ایش‌لر گؤروب‌لر. دورد یؤنتمن ده تانینمیش یؤنتمن‌لردیلر. 

 

تهمینه میلانی: ۱۳۳۹-جی ایل تبریزده دوغولوب.  12 فیلیم‌دن چوخا یؤنتمن‌لیک ائله‌ییب، لاپ تانینمیش فیلیم‌لری بونلاردیرلار: دوزن(1377)، زن زیادی(1383)، دیگه چه خبر(1370)، نیمه پنهان(1379   

تهمینه میلانی قادین قونوسولا ایلگی‌لنسه ده، آذربایجانی موطلق گؤرمور 

 

کمال تبریزی: تبریز دوغوملو، آزی اون بیر فیلمین یؤنتمنی اولوب. اوچ دیزینی ده یؤنتمن‌لیک ائله‌ییب. تبریزین فیلم‌لری لاپ چوخ ایزله‌ییجی قازانان فیلیم‌لر اولوب‌لار.  

لاپ تانینمیش فیلم‌لری بونلاردیرلار؛ لیلی با من است(1374)، مارمولک(1382)، همیشه پای یک زن در میان است(1386)، مهر مادری( 1376)   

تبریزینین ده دیغدیغاسی توپلوم‌لا ایلگی‌لنم دیر. تبریزی آذربایجانلا تکجه شهریار دیزیسینده ایلگی‌لنیر. او دیزی‌ده ده آذربایجانین غرورلاری ساییلان شخص‌لری(شهریارلا ستارخانی) سیندیریر.   

  

جعفر پناهی: 1339-جی ایل میانادا دوغولوب، فیلیم‌لرینین چوخو اولوسال فئستیوا‌لاردا اؤدول قازانیب. تانینمیش‌لاری بونلاردیرلار: بادکنک سفید(1995)، دایره(2000)، آفساید(2006) 

 

یوخاریدا آد آپاردیغیمیز اوچ یؤنتمن‌له باشقا آذربایجانلی یؤنتمن‌لر(آذربایجان دوغوملو، آذربایجان کؤکنلی) هئچ بیری آذربایجان دیلینده فیلیم چکمه‌ییب‌لر. آذربایجانلا ایلگی‌لی فیلیم‌لری یدالله‌صمدی چکیب. بو فیلیم‌لر ده آذربایجان دیلینده اولمویوب‌لار. 

 

کوردوستانلی بیر یؤنتمن، بهمن قبادی(1348- بانه دوغوملو)؛ 5 دنه بویوک فیلیم چکیر، بئشینده ده کوردلری اؤز دیللرینده، اؤز سورونلاریلا گؤرسدیر. کوردوستانی دونیایا تانیتدیریر. اولدوغو کیمی ده تانیتدیریر.  

اونون فیلیم‌لری بونلاردیلار: زمانی برای مستی اسب‌ها(1378)ٰ، آوازهای سرزمین مادری‌ام(1381)، لاک‌پشت‌ها هم پرواز می‌کنند(1382)، نیوه مانگ(1385) 

 

آذربایجانلی یؤنتمنی آذربایجاندان کیمسه تانی‌می‌ییب(کوتله)   تانین‌دیقدا هویلانیر، کورد یؤنتمن هر کورده تانینیر آلقیش‌لانیر.

 

نظرات (4)
سه‌شنبه 30 شهریور‌ماه سال 1389 ساعت 05:05 ب.ظ
من سیزین یازی‌نیزی "نسل"لر قونوسویلا باغلادیم!
یئنی نسیل ائله‌شتیریر:
http://anayurdumla.blogspot.com/2010/09/yeni-nesil-eleshtirir.html
پاسخ:
سالام
ساغ اول
سه‌شنبه 30 شهریور‌ماه سال 1389 ساعت 08:48 ب.ظ
سالام.
بو یازی چوخ بیر گؤزل یازی . لوطفن آذربایجان نشریاتینا بونو گؤندرین.
امتیاز: 0 0
پاسخ:
سالام
آذربایجان نشرییاتنیدان آدرس الیمده یوخ دیر.
سه‌شنبه 30 شهریور‌ماه سال 1389 ساعت 10:41 ب.ظ
چوخ ده یه رلی بیر یازی و آنالیزدیر. اونو بیر نئچه یئرده ایذنینیزله پایلاشماق ایسته ییره م. قله مینیزه ساغلیق. سلام و سایقیلاریملا
امتیاز: 0 0
پاسخ:
سالام
سیزین لوطفونوز دیر. ساده‌جه گؤردوک‌لریمی یازدیم.
یاشایین
شنبه 3 مهر‌ماه سال 1389 ساعت 12:49 ق.ظ
http://azergun.com/
بو آفتاب آذربایجان درگی سینین وئب سایتی.
لوطفن گؤزل یازینیزی او درگی سینه یوللایین
امتیاز: 0 0
پاسخ:
ساغ اولون، گؤندره‌رم
برای نمایش آواتار خود در این وبلاگ در سایت Gravatar.com ثبت نام کنید. (راهنما)
نام :
پست الکترونیک :
وب/وبلاگ :
ایمیل شما بعد از ثبت نمایش داده نخواهد شد