ش | ی | د | س | چ | پ | ج |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 |
چوخ زامان، تئهراندان آذربایجانا گئدنده گئجهلر گئدیرم. گئجهلر یوللار بوش، آچیق اولور. آدامین فیکری ده یولدان سونرا هئچ گؤرمهدییندن اؤترو، باشقا یئرده اولمور. گئجه یولچولوغو اولدوقجا گؤزل یولچولوق دیر. چوخلاری یاتان چاغلاری، سن اویاق اولورسان. گئجه ده سندن دانیشیر. گئجه قارانلیغین چؤکدوردوکده چئورهدن اولان هر بیر شئییی اؤرتور. کؤتو-چیرکین، گؤزل-گؤیچک قارا بورونور. تکجه سسلر دویولور. گئجه هئچ نهیی گؤرولمهدن سونا چاتیرسان. چوخ دا کئف وئریر. بلکه اوتانجاغیمدان گئجهلر گئدیرم. ایستهمیرم، داغ-داش دانلایا. گوندوز یولا چیخدیقدا هر شئی سنله دانیشیر. یول دا یاددان چیخاریلیر. دار یوللار، خاراب گئن یوللار، خارابا قالمیش کندلر، قوروموش چایلار، پوزولموش باغلار و کؤتولوک باسمیش شهرلر سنله دانیشیرلار. سن سنلیگیندن اوتانیرسان. آذربایجانین بوتون شهرلری بیر-بیرینین تایی، بیر چوخ شهرلر ده کی آذربایجانین اؤزو ده اونلاری یادیرقاییب هر یئرلردن چوخ سنی اوتاندیریر. چاراویماق، سراسکند، تیکانتپه، کویو، خالخال، طاریم، سایینقالا... اونودولموش شهرلردیرلر دئیهسن. نه یولو یول دیر، نه خاطیری خاطیر!
بو میانا - تبریز آراسیندا کی کند آدلاری چوخ گؤزلدیرلر. لاپ گؤزل آد دا "سئوینج" دیر؛ بو دا قالسین کی فارسجا الیفبا ایله یازیلیب سونج! زنگان - تبریز اوتوبانی دوزهلهندن سونرا میانا دا یاواش یاواش اونودولور. فیکر ائلیرم مندن سونرا هئچ کیمسه بیلمهدی یازینیزدا کی کویو هارادیر!
میانا تبریز آراسینداکی کندلری گؤرنده آدامین باشینا لاپ اود یاپیشیر. سراسکندین ده کندلری ائله دیر.
کویونو ده چوخلاری تانیییرلار. آمما دوزکویوله کویونو آییرد ائلییهنمزلر.
بونا گؤره دئدیم کی یازیلار دا کویو یازیلمیر؛ آما سیزین دوزکویو و کویو جریانین بیلمک منه چوخ ماراقلی اولدو!!
کویونون آدینا بو یوز ایلده بو اویونلاری گتدیلر: کیوی، گیوی(بر گرفته از گیو!)، بیر آی(!) هادیشهر، و سوندا کوثر و ...
آما دئییلن آدلار تکجه بونلاردیلار: "دوزکویو ، یوخاری کویو، اوسکویو" / و "آشاغی کویو ، دره کویو، کویو"
بونو دئمکده لازیم دیر خالخال موغان کیمی بیر بؤلگه آدی دیر و تکجه بیر شهره دئییلمیر(آقکند، هئشئیین، هیرو، کویو، و کولور). "هیرو" خالخالین مرکزی دیر.
یاشا آرتیق بیزه بیلگی وئردیـیین اوچون.