دونیانین خبرلرینین بیرینجی یئرینده دوران خبرلردن بیری، قوزئی آمریکانین قوجافیلینین اؤلمه خبری ایدی. بو خبری رویتر خبرآژانسی یایدیغیندان سونرا دونیانین بیرینجی یئرآلان خبرلرین بیرینه چئوریلدی. بئله بیر خبر اؤنمسهنیلمهسی هاردان اولا بیلرلیـیین، سیز مندن یاخشی بیلیرسیز.
بوندان نئچه گون اؤنجه، تئهرانین ارم پارکیندا اؤلن قافلانین دا اؤلوم خبری فارس خبر آژانسلارینین بیرینجی خبرلرینده یئرلهشه بیلمیشدی. قافلانین اؤلوم خبری دونیانین خبر آژانسلارینین بیرینجی خبری اولماسا دا خبرلر آراسینا گیره بیلمیشدی.
بونلاری یازدیقدا، آذربایجاندا، فیلین اولوب اولمادیغینی، آسلانلارین قالیبقالمادیقلاریندان، ها بئله تبریز بؤیوکلوکده بیر شهر ده، حئیوانلار پارکینین اولوب اولمادیغینی خاطیرلاتماق دیر. آذربایجاندا اولان حئیوانلاردان یییه دوران کیمسهلر ده اولسا، بوردا یاشایان حئیوانلاردان، خبر یوخ دیر.
بیزیم قوجا آسلانلاریمیز(بیلمیرم وار یوخسا یوخ) اؤلسه، تبریزده یاشایان کیمسهلرین خبرلری اولمایاجاق هاردا قالسین؟!!!
اولدوغوموز یئرلرده، هر کسی بیر گؤروشلرله تانیییرلار. اولا بیلسین بیر کسلری ده تانیمیرلار، او کسلر اؤز ایشلرینده اولدوقلارینا گؤره، باشلارینی سالیرلار آشاغییا دوز گلیب، گئدیرلر. کیمسه ده اونلارین گؤروشلرینی آلا بیلمیر. ائله آداملاردان باشقا آداملار، گؤروشلرینی بللندیریب، اؤز یولداشلارینی سئچیرلر.
گؤروشو اولان کیمسهلر گؤروشلرینی دئدیکده اونلاری یییهلنه بیلسهلر، گؤروشلرینی داها چوخ منیمسهیهجکلر، منیمسهمهدیکده ده اونو دهییشهجکلر. گؤروشلرینی منیمسهمهین کیمسهلر گؤروشلرینده کور قالمالیدیرلار. هئچ زامان گؤروشلرینی یییهلنمهیهجکلر.
بیر کیمسهنین گؤروشو وارسا اونو ساوونمالیدیر. ساوونماق دئدیـییمده، سرت تپگی گؤرستمک دئییل. ساوونماق؛ بیر کسلری قاندیرا بیلهجک قدر گؤروشو آچیقلاماقدیر. گؤروشلر آچیقلانمادیقدا، اوزون زامانلار قارانلیقدا قالماق ایمکانی گؤروش یییهلهرینه واردیر. بلکه ده گؤروشلری ساوونماق ندنیله اورتایا قویولسایدی، اوزون زامان او گؤروشده قالماقلارینا گرک اولمایایدی.
سؤزون ممدقولوسو؛ هر کسین نه گؤروشو وارسا یییهلهنه بیلمهسه او گؤروشده کور اولا بیلر.
اینسان چئورهسی ایله ایلگیلنمک زوروندادیر. یاشاماغین گرکدیـیی ایلگیلنمکدیر. چئورهده هر ندن چوخ بوروشوق اولان اینسانلار دیر. بیزلر، اینسانلار اؤزوموزدن اولماغینا باخمایاراق، هر بیر کیمسهنی تام اولاراق تانییا بیلمیریک.
ایندیکی دونیادا ایلگیلنمک نسنهلرین چوخالدیغینا گؤره، ایلگیلر ده اولدوقجا چوخ گئنیش اولوب. بو گئنیشلیکده ایلگینین آراسیندا، یاشاماقلا بیرلیکده ایلگیلنمک، واقتیمیزی آلیر. قاچاقاچدیغیمیزدان دولایی، واقتیمیز، ایلگیلنلریمیزی آراشدیرماغا ایمکان وئرمیر. اونا گؤره ده بیری یاخین گلدیکده(داها دوغروسو واقت قویدوقدا)، تولا-توپپاز بیرینجی یولداشیمیز یئرینه کئچه بیلیر.
تولا-توپپاز یولداشلیغا گیرن، بیلگیوئرن(گئنل یایینلارین بیلگیسین دئییرم) بیری اولسا، بیزیم بوتون ماراغیمیزی قازانیر. ایلگیلنن کیمسهلرین ایچینده دورومدان گیلئیلهننلرده اولور، خوشباخانلار دا اولور. بو ایکی گؤروشون آراسیندا یئرلهشنلر ده اولور. خوشباخانلار سونو خوشباخیرلار، آمما نیققیلدایانلار، آدامی نیققیلداتمایاناجان الچکمیرلر. بیردن گؤروسن سنده نیققیلداماغا دوشوبسن.
ائتگیلندیییمیز اینسانلار، نیققیلدیلاری آز اولسا، یا دا اولماسا، هر ندن یاخشی اولار!
تورکجهنین رسمی اولاراق اؤیرنیلمهمهسی، اؤیرنمهیین چتینلهدیر. اینسان اونایکی یاشینادک راحات اؤیرهنیر. اونایکی یاشدان آشاغی اوشاقلارین بئیینلرینده دیللرین مرکزی تکمیللشمهدیکلرینه گؤره، یئنی بیر سؤزلرین اؤیرنیلمهسی آخاریندا اولور. اونایکییاشدان یوخاری یاواش-یاواش بئیینقورولوشو بوتؤولهشدییینه گؤره اؤیرنمک چتینلهشیر. بئله بیر اؤیرنمهیه، داها چوخ چابا گرکلی دیر.
گونئیآذربایجاندا تورک دیلینین، قورومسال اؤیرهدیلمه سیستئمی اولمادیغینا گؤره، اینسانلارین چوخو بؤیوکیاشلیلیقدا دیلین یازی-پوزوسون اؤیرهنیرلر. اؤیرهدنلرایسه، اؤزلری اؤیرندیکلری اوچون، سیستئملی بیر ائییتیم آلا بیلمیرلر. هر کس دوشوب-چیخماقلا بیر سیرا باجاریقلاری قازانیر.
بو دورومو دهییشه بیلمهییمیزه نئچه یول وار؛ اوچونو آشاغیدا گتیریرهم:
بیرینجیسی؛ گؤرهبیلمهمهییمیزی گؤرمهمزلیییمیز.
ایکینجیسی؛ یئرسیز اؤزوموزه ایناندیغیمیز.
اوچونجوسو؛ باشقالاریلا تئز عموغلو اولماغیمیز
دؤردونجوسو؛ عموغلولارین یالانلارینا اینانماغیمیز.
بئشینجیسی؛ باشقالاردان یالان دانیشماغی اؤیرنمهییمیز
آلتینجیسی؛ یالانلاریمیزا اؤزوموزون اینانماغیمیز
یئتدینجیسی؛ هر اوزوموزه گولنه وورولماغیمیز
سکگیزینجی؛ وورقونلاریمیزین وورولماسی
دوققوزونجو؛ هر کسه آیاق وئرمهییمیز
اونونجو؛ آیاقآلانلاری دوردورانماماغیمیز
اووبیرینجی؛ دوردورانمادیغیمیزلارین بیزی دوردورماسی
اونایکینجی؛ قوزوبالاسی اولماغیمیز( هر کس بیزه یاخشی دئسین دئیه)
اوناوچونجو؛ پالازا بورونوب، اؤزوموزو سئله وئرمهییمیز.
اونبئشینجی؛ اوزمک باشارماماغیمیز
اونآلتینجی؛ سئلده اوزمک اویرندیکده، اؤزوموزو اوزمهییمیز
اونیئتدینجی؛ دونیادا دئییلن هر سؤزله گؤروشلهره یئر وئرمهییمیز
اونسکگیزینجی؛ بیز دونیالیق اولوب، دونیا بیزسیز اولماغی
اوندوققوزونجو؛ اورهییمیز، تانیمادیغیمیز هر بیر نهیه دؤیونمهسی
ییرمینجی؛ باشقالارین هر نهیینه اورکیاندیریب، اورهکلریمیزی ایسیندیرمهییمیز
ییرمیبیرینجی؛ ییرمیبیرینجی یوزایله، بئشیوزایلدن اؤنجه گلمهییمیز.
آرتیق سایماغیم گلمیر،
سونونجو اولاراق؛ سایماقدان یورولماماغیمیز!