ش | ی | د | س | چ | پ | ج |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 |
دونیا خبرلرینده تبریزی آختاردیقدا تاپا بیلمهریک. تبریز گوندمده اولا بیلمیر. تبریزی آد آپاردیغیمدا بیزی(گونئی آذربایجانی) منیمسهدن تانینمیش یئردیر. بیلمیرم نه زاماندان خبرلرده یوخ دیر. من خبرلرله ایلگیلندن چوخ آز خبر گؤرموشم. دونیا خبر آژانسلارینین ایلک خبری گؤرمهمیشم.
بؤلگه(اورتا دوغو) خبر آژانسلارینین دا خبرلرینده یئرلهشمیر. تبریزی منیمسهین خبر آژانسلارینین خبرلرینده ده تبریزین خبرلرین باشیندا یئر آلماسی چوخ چتین اولور. تبریزین اؤزوندن بیر خبر دئمیرلر، نهایت اورا گلندنلردن خبر دئییلیر.
منطقهده اولان دوغایلا باغلی بؤیوک فاجیعه اورمو گؤلو اولماغینا باخمایاراق، خبرلرده بیرینجی یئری آلا بیلمیر. آمریکادا نفتقویوسو پاتلایان زامان دونیانین بیرینجی خبرینه چئوریلمیشدی. آنجاق اورمو گؤلو بوتونلوکله باتیر دونیانین بیرینجی خبرلری هئچ، خبرلرینده یئرلشمیر.
آژانسلاردا خبرلرله ایلگیلنن کیمسهلرین ایلگیلهنیری چکه بیلمیریک. بیزدن بیزیله ایلگیلنن کیمسه اعتیبارلی خبر آژانسلاریندا یوخدیرلار اولسالار دا ائتگیلی اولانمیرلار.
سالام
سایین بی
داش قاپی بلاگ چی سنین یازیچی سی
تبریز ( گونئیین )-سسی او زامان دونیا خبری آژانس لاریندا اؤزونه یئر آلاجاق کی:
۱. گونئی اؤزنه واضیح تورپاق تعریف له یه بیلسین
۲. سیاسال و کولتورل چالیشانلاری ایچ ایچه گیرمدن دئیه واحید میللی منفعت لره اینانا بیلسین لر
۳. لوبی یاراتماق یوللارین اؤیرنیب و داوام سوردوره بیلک نئجه کی سایین سعید متین پور - سایین آیت مهرعلی بیگلو- سایین فاخته زامانی بئلنچی یوللارا آددیم آتا بیلیب لر آما یئترلی اولماییب هله
سلام
بو قونو چوخدان منیم ده بئینیمده دولاشیردی. ماراقلیسی بودور یالنیز تبریز دئییل بیز چوخ زامان هئچ باکی نی دا خبرلرده گؤره بیلمیریک. ان آزی عرب آژانسلاریندا باکییا عایید چوخ آز خبر گؤروروک.
او گون آنایوردوم وبلاگیندا کرار جاسیما عایید بیر یازی یازمیشدی. اورادا کرار جاسیم تیراختور یانداشلارینین اکثری تورکدور دئمیشدی. ائله او یازینی اوخویاندا فیکیرلشیردیم بیز نه قدر یازیق میللتیک.
بونون اساس نده نی ده بودور بیز اصلا اؤزوموزو گؤرمه یه عادت ائتمه میشیک. یانی ایگیرمی ایل گونئی حرکاتیندان سونرا عابباس بی بیرینجی دؤنه اولاراق بو مسئله یه دیققت ائدیر بلکه او یازماسایدی هئچ اللی ایل بوندان سونرادا بونا دیققت یئتیرن اولمایایدی.
هر حالدا بیرینجی سورون اؤزوموزدندیر.
سورونلارین باشیندا یئر آلان بیزیک.