بایاغی‌لاشدیرماق

    "بایاغی‌لاشماق" سؤزجویونو یادیرقامیشدیم، یوخسا ائشیتمه‌میشدیم، بیلمیرم (آخی منیم بئینیمده سؤزجوک‌لر آیاق دؤیورلر). آنجاق هر نه‌ ایدی، بو سؤز به‌تر کئشیمه یاتدی. "بایاغی‌لاشماق" آیاغا دوشمک آنلامیندادیر. 

---

   هر قونو، سؤز، اولای ایلک باخیلدیقدا، ماراقلی نظره گلر. اولای‌لار، سؤزلر، قونو‌لار، اینسان‌لار ماراقلی اولدوق‌لارینی تاپیلماز، یا بول اولمادیق‌لاری سوره‌جده ساخلایارلار. بول‌لاشان‌لارا بیردن ماراق آرتیب، زیروه‌یه قووزانیب، سورادا یئنر.

---

  بایاغی‌لاشماغین، بول‌لوقدان سئوای باشقا بیر ندنی ده واردیر. بیرلری بایاغی‌لاشدیرالار. آیاغا سالالار. بایاغی‌لاشدیران کیمسه‌لری، یان-یؤوره‌میزده چوخ گؤره بیله‌ریک. بیر کیمسه‌نی، بیر ایشی، یئنی‌له‌مه‌دن وورغولاماق، چوخ تئز آیاغا سالا بیلر. اونا گؤره ده،  بیر سیرا وارلیق‌لاریمیزین بایاغی‌لاشماغیندان قورخوروقسا تئز-تئز یئرلی-یئرسیز اورتایا گتیرمه‌مه‌لی‌ییک. یئرینده فایدالانمالی‌ییق، البت یئرینی گؤره بیلسک!