داش قاپی

داش قاپی

دوشوندوک‌لریمین پارچالارینی هردن ایسته‌دیـییم کیمی یازیرام
داش قاپی

داش قاپی

دوشوندوک‌لریمین پارچالارینی هردن ایسته‌دیـییم کیمی یازیرام

هونه‌رین دیلی واردیر

  هونرین دیلی اولماز، سؤزونو چوخ ائشیت‌میشک. دیلی اولماز دئدیک‌ده، هونر هونر اولسا، هانسی دیلده یازیلدیغینا باخمایاراق، هر یئرده آلینار. بو سؤزون سؤزو یوخدور. بو سؤز هردن فرقلی بیر گؤروش‌لر اوچون دئییلیر. دئین‌لر‌ده هونرچی‌ تانینان‌لار دا اولور. دئییلمک‌لره باخمایاراق، بیر اثرین دونیادا آلیندیغی اوچون، دونیا دیلی‌له‌ یارانماسی گره‌کیر.   

   

   دونیا دیلی دئدیم، دونیا دیلی‌نی هر کس، مندن یاخشی تانی‌ییر. دونیا دیلی هامی‌نین دیلی اولدوغو اوچون، هر کسین دیلیندن بو دیل‌ده پایی اولمالی‌دیر. چوخ‌لارینین پایی واردیر. بیرلرینین پایی چوخ، بیرلرینین‌کی آز، بیزه تای پایلاری اولمایان‌لار دا واردیر. پای‌سیزلارین، دیل‌لرینده یارانان‌ هونر‌لرین یئرلی دیل‌لری(local) واردیر(هم یئرلی‌لر دئییرلر، هم باشقالاری). اونا گؤره ده دونیادا آلینمیر دئیه‌سن.  

    

   یئرلی‌نی بللندیرن‌لر چوخ‌دورلار. باشیندا دوران‌، یئرلی‌لرین اؤزلری دیر. اؤزلرینی یئرلی گؤروب، دونیا‌یا سؤزلری اولمایان‌لار، دونیایا دانیشدیق‌لاری آن اؤزگه‌سی‌نی یاراتمالی اولورلار. اؤزگه‌سی‌نی یارادان‌لار یاراتدیق‌لارینی یاشامادیق‌لاری اوچون، اؤزگه‌لر کیمی یارادانمیرلار. یا دا، یئرلی‌لیک‌لرینی اؤزگه‌لرینه ده داشی‌ییرلار.   

   

  سؤزون قیساسی، دیلی اولمایان هونرین، تانیت‌دیریلمیش دیلی واردیر! 

 

نظرات 1 + ارسال نظر
م ج اینجیک جمعه 7 بهمن‌ماه سال 1390 ساعت 02:24 ب.ظ http://qoruqada@blogfa.com

سالاملار حؤرمتلی دوستوم
یازینیزی اوخودوم و به یه ندیم اللره ساغلیق ده یرلی مطلبلر وئبینیزده یئر توتور سیزه اوغورلار

سلام،
ده‌یر وئردیـیینیز اوچون ساغ اولون. سیزه ده باشاریلار آرزیلاییرام.

برای نمایش آواتار خود در این وبلاگ در سایت Gravatar.com ثبت نام کنید. (راهنما)
ایمیل شما بعد از ثبت نمایش داده نخواهد شد