X
تبلیغات
رایتل

  بیلدیر بو گونکو گون مئهرین دؤردو، عؤمرومون قارا گونلریندن بیرینی یاشادیم. آیاغیمی قاپیدان ائشی‌یه قویمامیشدیم. تیلفون چالدی، تانیمادیغیم بیر نومره، دانیشان شیرزاد ایدی. سسی بوغوناق ایدی. سسی چیخمیردی.  

ش: ایبراهیم گیل ماشینلاریلا تصادوف ائله‌ییب‌لر.  

من: نئجه تصادوف ائله‌ییب‌لر، هاردا؟!  

ش: تویدان گلیردیک، بیز داللاریجایدیق. بیردن بیر ماشین‌لا توققوشدولار. هر نه بیر ده‌یقه‌ده اولدو.  

من: نه اولوب؟ 

ش: هامیسی قورتاریب. سسی تام باتیر.  

من: سن بیلمزسن، زنگ وور آمبولانس زاد گلسین. 

ش: اونلار گلیب، ایبراهیمی ائو‌اوغلو سه‌راهینا گتیرمیشیک، ایبراهیمین باشی منیم دیزیم اوسته، قورتاریب. اورژانس گئتدی، میناخانیم‌لا، آیلانی گتیره‌لر. بیلمیرم نئینی‌یم. اوشاقلارا زنگ وورورام گؤتورمورلر.   

من: سیز کیم-کیم سیز؟! 

ش: ایکی بهنام‌لار بیر ده من، اونلار قالدی‌لار مینا خانیم‌گیلین یانیندا، او بیری ماشین‌لا گله‌لر. من ایبراهیم‌لا گلدیم.   

دانیشماغا سؤز قالمادی، اینانمیردیم. دئدیم بلکه ایشتیباه ائله‌ییر. هر نه بیردن قورتارا بیلمزدی. تومموشدوم. نه ائله‌جه‌ییمی بیلمیردیم. بیر ایکی یئره زنگ آچمالیدیم. بئش ده‌یقه‌یه هر یئردن زنگ آچیلیردی. دئیه‌سن هئچ کیم یاتمامیشدی. خویا گئتمه‌لیدیم. آغلاماغیم دؤنموشدو. ایچیم شیشیردی. ائله‌بیل آشاغیدان یوخاری‌یا بیر نه قووزانیب، بوغازیمی توتوردو. قَهَر؛  بوغازیمدن پاتلامادایدی.   

هر کسین اؤلومونه اینانا بیلردیم آما ایبراهیم گیلین یوخ. او آذربایجان اوچون بیر بؤیوک ثروت ایدی. بو ثروت اؤزو-اؤزونو گلیشدیرمیشدی، یئتیشدیرمیشدی. ایچه‌ریسینده اولان ساکین‌لیک، دویارلی‌لیق هر کسی راحاتلاشدیریردی. مینا خانیم‌لا بیرینجه دؤنه هر کیم گؤروشسه‌یدی کسین‌لیک‌له محبتی اوزونده گؤره بیلردی. هئچ کیمه کین باغلامازدی. دوستلوغا، فیکیر پایلاشماغا، گوونمه‌یه یارانمیشدی‌لار اونلار. یاشاملارینی تکجه اؤزلرینه یوخ، دوشوندوک‌لری بوتون میللته دوزنله‌میشدیلر. میللتین آراسیندا یاشادیق‌لاریندان دولایی، بوتون اینجه‌لیک‌لرله داورانیردیلار. اونلار اؤزلرینی میللتدن باشقا گؤرموردولر. اونا گؤره ده بیر چوخ موراجیعت‌لری جاواب‌سیز قویوردولار.   

 چوخ یئرلردن گئتمک‌لرینه گؤره سؤز-ساو دئییلیردی. یولداش‌لار، حاکیمیت، باشقالاری، هر کس اؤز یؤنته‌میله گئتمک‌لرینی وورغولویوردو. اونلار قالیب میللت‌له یاشادیق‌لارینی دوشونوردولر. اونلار قالدیلار. یولدا اؤلومله اوزلشدیلر. یاشادیق‌لاری یئرده تورپاغا تاپشیریلدیلار. یئنی یاشاماغا باشلادیلار.  

 

 اونلار بو دونیادان کؤچه‌لی دوز بیر ایل اولدو. کؤچَن گوندن، چوخ ایش‌لر اولدو، چوخ ایش‌لر ده اولاجاق دیر. آنجاق اونلار اؤزلریندن بیر ایز قویوب‌لار، هئچ کیمه باغلانمادان، هئچ نه‌یه باغلانمادان، هر کسی نظرده توتاراق، هر نه‌یی نظرده توتاراق یاشاماق دیر. اونلار آذربایجانی دوشونوردولر، سئویردیلر، آذربایجان اوغروندا آددیم آتیردیلار، دَرنَک قوروردولار، درگی یاییردیلار، تویلار توتوردولار، دوستاغا گئدیردیلر، آنجاق هئچ کیمه، هئچ نه‌یه باغلانمیردیلار. اونلار دوشوندوک‌لرینی حاق گؤردوکده، هئچ بیر قودرت قایناغینا باغلانماغی دوز گؤرمیردیلر. قودرت قایناق‌لاری قودرت‌لرینین چیخارلارینا آذربایجانی قوربان وئره بیلدیک‌لرینه ایناناراق، باغلانماغی دا دوشونموردولر.  

 

 اونلار کؤچدولر، چوخ تئز کؤچدولر. یئره قویلانسالار دا، گؤیه کؤچدولر. بیزلر داریخیریق، داریخاجاییق دا. روحلاری شاد؛ یول‌لاری داواملی. 

نظرات (3)
چهارشنبه 5 مهر‌ماه سال 1391 ساعت 10:07 ب.ظ
سالام عزیز سیرداش!

زلال سبکی نین ایلک کیتابی تورکو دیلینده تبریزین بین المللی نمایشگاهیندا ندای شمس انتشاراتی نین غرفه سینده ( ۸ - ۱۴ مهر ) سیزی گوزله ییر.
کیتابین آدی: زلال نئجه شعردیر؟
چاپ ائدیب یایانی: انتشارات ندای شمس
ایضاح: بو کیتابدا زلال شعری نین نئجه لیگی یازیلیب آچیلاشاراق، منیم اوتوز دوققوز عنواندا تورکو زلال لاریم یانغین کؤنول آختارماقدادیر.هرکیم تورکو دیلینده اولان زلال لارایله تانیش اولوب، زلال شعرلریندن داها آرتیق فایدالانماق ایسته سه، بو یئنی اثری اوخومالیدیر. بو کیتاب،زلال سبکی نین تورکو دیلینده اولان قالارغی قایناغی دیر.
torkizolal.blogfa.com
امتیاز: 0 0
جمعه 14 مهر‌ماه سال 1391 ساعت 11:26 ب.ظ
سلام عزیز قلمداش!
دویغونوزدان فایدالاناراق سیزی بیر یئنی یازی ایله زولالا دعوت ائدیرم.
.
.
سخنی با ممیش قولو که خودش را بهتر از ما می شناسد
.
torkizolal.blogfa.com
امتیاز: 0 0
دوشنبه 12 مرداد‌ماه سال 1394 ساعت 10:51 ق.ظ
سلام، توافق حاصل شده و اکنون انتظارت از ملت ما بالاست. بیش از این پولها را در سوریه و یمن هدر ندهیم. این پول و انرژی را به کشور باز گردانید.
امتیاز: 0 0
پاسخ:
سلام، منیم الیمدن نه ایش گلر، سیز دئیین من بیلیم. منه یامان پول لازم دیر، پول یئری بیلسز منه چاتدیرین.
برای نمایش آواتار خود در این وبلاگ در سایت Gravatar.com ثبت نام کنید. (راهنما)
نام :
پست الکترونیک :
وب/وبلاگ :
ایمیل شما بعد از ثبت نمایش داده نخواهد شد