X
تبلیغات
رایتل

   دونیالیق آنا دیلی گونونو، آنا دیلینی سئونلره قوتلو اولسون دئییرم. گؤره سن دونیادا، آنا دیللرینی سئومه ینلر ده وارمی!؟ بو سورغونون جاوابینی آلماق اوچون، دونیادا اولان هر بیر کسدن سوروشولمالی دیر.   

  دونیادا آنا دیلی، کیملر اوچون اؤنملی اولور گؤرَسن؟!. دیلی دونیا دیلینه چئوریلن اینگیلوساکسانلارا، یوخسا، دیللری ادبیات دیلی اولان فرانسیجالیلارا،  دیللری یئنی ادبیات دیلی اولان ایسپانلارا نئجه؟ دیللری فلسفه دیلی آدلانان آلمانلیلارا نئجه؟ دیللری سایماق ایستَمیرم.  

  بیر چوخ اینسانلار اوچون دیل دردی دئیه بیر شئی یوخ دیر. نییه کی دیللری، اونلارین ایستمکله ایسته مه مکلرینه باخمایاراق، اؤز یولونو تاپیب گئدیر.   

  دیل دردی، دیللرینه ایستَییب، اللری چاتمایانلار اوچون دیر. نییه درد اولدوغونو سوروشماق ایستَسز، جاوابلامایاجایام سیزی. بیلمیرم نئچه ایل دیر، دونیا آنا دیلی گونویله تانیشام. ائله بیل چوخداندیر. بو گونو آدلاندیرمادان دا اؤنجه، منیم اوچون هر گون بو گونودو. ایندی ایلده بیر یول بو گونو گؤزلویوروک.   

  دونیالیق آنا دیلی گونو آدلاندیرماقدان بیر چوخ زامان گئچمیر. 1999-جی ایلین نویامبر آیینین 17-سینده بو گونو آدلاندیرماق قرارینا گلمیشلر یونئسکودا.   

  بو گون، بیزه وورغولاندیقدا، ایلدن ایله سئودیییم دیل اوچون گؤردویوم ایشلری، گؤزدن گئچیریرم. ایل سایار اولوب، یازسایدیم، بلکه یاخشی اولاردی. ایل سایارا گرک قالمیر، اؤزومه زور وئریرم، بو دیلی اؤزوم اوچون اوخویوب، یازماقدان باشقا بیر ایش یادیما گلمیر. اوخویوب-یازیب-پوزدوقلاریمین زامانینی خاطیرلایاندا، تئلویزیون، اینتئرنئت، ایش، ائو، یوخو، قوناقلیق، دانیشیق، آل-وئر... قودوغوم واقتلار چوخ آزدی.   اوخوماقلا یازی-پوزولارا گلنده باشقا بیلدیییم بیر-ایکی دیلدن ده آز اولور. 

  اؤز-اؤزومه دئییرم گؤرَسن من دوغرودان آنا دیلیمی سئویرم بئله دیر. بلکه آنا دیلیمی سئومه یَم، اوندا نئجه اولاردی منیم دیلیم؟!

نظرات (3)
پنج‌شنبه 3 اسفند‌ماه سال 1391 ساعت 08:13 ب.ظ
سلام
.
.
.
بیر زولال ماهنی ایله قوللوغوزدایام
http://torkizolal.blogfa.com
امتیاز: 0 0
چهارشنبه 9 اسفند‌ماه سال 1391 ساعت 06:40 ب.ظ
سلام و درین سایقیلار.
"بیر کامیون قورخو" شعر مجموعم یولا چیخدی !
آرتیق بیلگی وبلاگیمدا.یولوزو گوزله ییرم
امتیاز: 0 1
پاسخ:
رعنا خانیم، سیزه اوغورلار
چهارشنبه 16 اسفند‌ماه سال 1391 ساعت 02:54 ب.ظ
سلام و سایقیلار.
سانیرام سیزی لینک ائتمه میشم، بوگون لینک ائدیرم.
امتیاز: 0 0
برای نمایش آواتار خود در این وبلاگ در سایت Gravatar.com ثبت نام کنید. (راهنما)
نام :
پست الکترونیک :
وب/وبلاگ :
ایمیل شما بعد از ثبت نمایش داده نخواهد شد