| ش | ی | د | س | چ | پ | ج |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 |
کئچن گونلرده آذربایجانین ایکی شهرینین خالچا ناخیش‌لاری، اؤز آدلارینا یازیلماق اوچون اولوسال اؤرگوت‌لره تانیتدیریلدی. بیرینجی‌سی تیکان تپه شهرینین تانینمیش افشار ناخیشی، ایکینجی‌سی ده خویون ریز ماهی ناخیشی ایدی. بونلارین تانینماغینا آددیم آتماق گئج ده اولسا دیرلی ایش ایدی.
بئله تانیتدیرمالار تکجه رسمی اوگانلار طرفیندن اولوب اولمادیغینی بیلمیرم. آذربایجانا عایید دونیایا تانیتدیریجی ائلئمان‌لار چوخ اولماسینا گؤره آذربایجانین بیر کسی ده اولماسا آذربایجان اؤزو ال چیرمالامالی دیر.
آنایوردوم‌لا دوشرگه‌سینده بیر یازی گئتمیشدیر بو باشلیق‌لا: هوشو باش‌دان قاچیردان بلگه‌سل
بو یازیدا بلگه‌لی فیلمین بلگه‌لی اولدوغو سورغو آلتینا آپاریلمیش‌دی. بلگه‌لی فیلم‌لر دونیادا قانیت‌لی اولمالی‌دیر. قانیت‌لار تکجه بیر آزلارینی یوخ بلکه چوخلو آدام‌لاری ایناندیرمالی‌دیرلار.
یاشادیغیمیز یئرده بیر بؤیوک سورون، اینسان‌لارین ایسته‌دیکلری یؤنده قانیت‌لارین اولوشماغی‌دیر. بو اولوشماق گئرچک‌لره دایانمیر، اینسان‌لارین ترسه باشا دوشدوک‌لری شئی‌لره دایانیر. بو دا یوز ایلدن بری باشلانان بیر اویدورما سیاستیندن آسیلی‌دیر. بو اویدورما سیاستی آوروپادان باشلانسا دا داوامینی اوچونجو دونیا اؤلکه‌لرینده سوردورور. اوچونجو دونیا اؤلکه‌لرینده سوردورولمه ندنی ده بو اؤلکه‌لرین گئر‌ی‌یه قالماق‌لارین سوروملولوغونون باشقالارینین بوینونا سالماق‌دیر. یولو دوز سئچمی‌ین‌لر، باتلاغا دوشن‌لره بنزی‌ییرلر، چوخ چابالادیق‌دا داها آرتیق باتیرلار. اونلارین اللریندن یاپیشانلار دا اونلاریلا بیرلیکده باتیرلار. بیزلر بئله بیر باتلاقدان اوزاق دوروب، باتلاغا یاخین‌لاشانلاری دا اویارلامالی‌ییق.