آلئیبانی

  اوشاقلیقدان یادیمدا قالان قاباریق قونولاردان بیری ده آلئیبانی دیر. آلئیبانینی من هله ده وار بیر جانلی کیمی تانیـییرام. یانی بئینیمده بیر وار اولان جانلی کیمی یئر آلیب. آلئیبانی دئدیـیین دؤشلری یئریله سورولن آرواد کاراکتئری دیر. دؤشلری یئرده سورونمه­سین دئیه دالینا آتار. زاهی آروادلارین باشیندا گزیب، زاهی تک اولدوقدا اؤلدوره بیلر. اونا گؤره ده زاهی آروادلار دوغان چاغلاری گرک تک قالمییالار.

   یادیما گلیر قونشولوغوموزدا بیر آرواد اوشاق دوغان زامان تک اولدوغونا گؤره اؤلدو. زاهی آروادلارین باشینا آلئیبانی گئتمه­سین دئیه دمیردن اولان سانجاق، یا باشقا بیر شئی قویارلار. دئینلر وار کی آلئیبانینی توتوب ساخلییانلار دا اولوب، آلئیبانی اؤز یانلاریندا قول ائله­میش­لر. آلئیبانی نی یانیندا قولئیبانی ده قولاغیما دییردی. قولیئبانیدن یادیمدا قورخمالی بیر پاتلئت­سیز کاراکتئر قالیب. بونلاری یازدیق­دا بلکه سیزلرده بو کاراکتئرلرین آچیقلانماسینا یورومو اولان اولوب بیزه  یازدی.

بیزیم کیلاسین بیرلیـیی

   بیزیم بیر کیلاس وارایدی، هر آغیزدان بیر سؤز چیخیردی، هره_سی ده فرقلی هاوادا. هانسی اوستاد سیناوین نئجه و هاچان آلینماغین بیزه تاپشیریردی، اوزون سوره_دن سونرا پئشمانلییب، هر کسی دانلیـییردی، دانلاقدان اوزوموز بیزدن کوسموشدو. بئله بیر دورومدان قورتولماغا کیلاسین اوشاقلاری بیر یئره ییغیشیب، اورتاما گلمک ایسته_دیک. دانیشیقلار باشلاندیقدا سؤزلرین گئدیشی تام بیزیم ایسته_دیک_لریمیزله فرقلی ایدی. دئیه سن بیر دسته ییغیشمامیشدان اؤنجه قورقو قوروب سؤزلرین یئکونلشدیرمیشدیلر. بیزلر(یاتاقدا قالان اوشاقلار) بیر یئرده ده اولسایدیق، سؤزلریمیزی بیرلشدیره بیلمه_میشدیک، یانی دوغروسو بیرلشدیرمه_یه فیکیرلش_ممیشدیک.   

  بیرلیک دئیه بیر سؤز یاتاقدا اولانلارین تام ترسینه ایدی. هئچ کس ده بیرلیـک-پوزان دامغاسی وورولماسین دئیه جینقیرین چکمیردی. قاش-گؤزلر ایشه دوشموشدولر، آمما ایملر آلینمیردی. هر کس سئوینیردی بیرلیک اولاجاق، بیرلیک ده سئوینیردی دوغلدوغونا گؤره. بیلمیردی بیر سس بیرلیـیی پوزاجاق. بیر آی بالام بئله اولماز دئمک، کیلاسدا اولان بیرلیـیین دیبینه داش آتدی. بیرلیک ده چکیلیب گئدیب یاتدی.

آغاجدان آلما دررم

  آلمانی آغاجدان درمه_یینین دادی باشقا دیر. ال دولوسو آلما الین اییچینه اوتوروب، بیر الده بوداقدان یاپیشیر، ایسته_میرسن ده دره_سن، الیوین ایچینده قوخولویورسان، آلمانی آغاجدان قوپارماق ایسته_سن ده قوپارانمیرسان. دیشلرین آلمایا قیجیـییر، گؤیلوندن گئچیر دیش_لرین آلمانین اتین قوپاریب، سویون آخیردا. آغزین سولانیر.

 بونلار ایندی تکجه بیر خیالا چئوریلیب، آغاجدان آلما داها دریب ساتانمازسان، ییـیه_نمزسن. ائله طبیعتی ده باشا دوشنمزسن. یئنه بیز کندلی اولدوغوموزا گؤره اوشاقلیق_دا آغاج گؤره بیلدیک، گؤره_سن بیر عومور تئهران کیمی شهرلرده یاشایان اینسانلار آلمانی آغاجدا گؤره بیله_جک لر؟! هله قالسین درمه_لری.

کئچمیشده قالان شهره داریخیرسان

  خویو تانییانلار خویون قدیمی محله لرینین آدلارین یاخشی تانییاللار، بیر سیرا آدلار جوغرافی موقعیت اسایندا، بیر سیراسی دا اوردا اولان آداملارین ایشلریله ایلگی_لی وئریلیب.

 ماکی قاپی_سی، محله خیاوانی، تبریز داروازاسی، قویونچولار، صابونچی لار، حصیرچی لر، خاماچی لار... 

  ایندیلیکده خویدا او آدلاردان داها ایز گؤرمک اولمور، یئنی یئتمه_لرین ده یاشلاری او آدلاری ائشیدیب ایشلتمه_یه قد وئرمیر. قوجالار دا اؤزلرینی ساوادسیز گؤرستمه_سین لر دئیه، او آدلاری ایشلتمیرلر. هر کس بیر-بیرینه اوخشویور، هر کس بیر مودئل گئیینیر، آروادلارلا قیزلارین دا گئییم_لرینده اؤزللیلیک قالمیر. سن شهرده یئرلیلیک گؤره بیلمیسن. کئچمیشده قالان شهره داریخیرسان.   

شهریارین شعرلرینده چاخناییشی آچیقلاماق

  ناصر منظوری آذربایجانین تانینمیش یازیچیسیندان ایکی کیتاب بو عونوانلاردا یاییلدی:   

1- کتیبه­های شفاهی (۱) آشوبی شدگی در شعر شهریار (۱)  

2- کتیبه­های شفاهی (۲) آشوبی شدگی در شعر شهریار (۲)

(حیدربابا) 

ناصر منظوری بو کیتابلاریندا شهریارین شعرینده چاخناییشلیغی آچیقلاییب. ناصر منظورینین کئچمیشدکی یازیلارینین آخینی اولاراق بیز بو کیتابلاردا دا مفهومی(CONCEPTUAL) یاناشمالارلا اوزلشیریک.          

  بیرینجی کتیبه_های شفاهی سینده شهریارین فارسی شئعرلرینین ایکی_سینی آچیقلاییب، شهریارین بو شئعرلیری دئین زامان ذهنینده چاخناییشلیق یارانماغینی گؤرسدیب.  

ایکینجی کتیبه_های شفاهی سینده ده حئیدربابادا بو چاخناییش_لیغین قاباریق فورمدا اولماسینی گؤرسدیب، بیرینجی حئیدر بابانین باشا-باشیندا  چاخناماغین داواملانماسینی گؤرسده بیلیب.  

یئنی آچیدان شهریارین شئعرلرینه یاناشماق، بیزیم گؤروش آچیلاریمیزا یئنی پنجره آچا بیلیر.