ش | ی | د | س | چ | پ | ج |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 |
آبان آیینین اوتوزو، "آیلا جعفرزاده"-نین دوغوم گونو دیر. آیلا قالسایدی بیر یاشیندا اولاجاقدی. نه ده سئوینجک ایدی، ایبراهیم، آیلانین دوغوم گونو.
آیلا بو دونیانین یولوندا اولان واقتلار، "مینا"- ایله ایبراهیملا دوشنده، آیلانین کیمه گئتدیـیینی دانیشاردیلار. گؤزللییی بوردایدی؛ مینا ایستردی ایبراهیما، ایبراهیم دا ایستردی مینایا بنزهسین. بیز ده دئییردیک نه فرق ائلهییر، آخی اونلارین ایکیسی ده بیر-بیرلرینه بنزهییردیلر. آیلا اولموشدو ایکیسینه ده بنزهییردی.
آیلا دوغولان گوندن، مینا ایشین بوراخمیشدی، ائوده قالیردی. داریخماقدان خبر یوخ ایدی. کیمه داریخمالی ایدی. مینا دئییردی: "آیلا گلندن بری هئچ یئرده تکلیک حیسسیم یوخ دیر. "آیلا" قرار ایدی بیر یاشاییشین یادگاری اولا. تکجه بیر آتانین-آنانین یادیگاری یوخ، بلکه بیر شهرین، بیر دوشونجهنین، بیر میللتین یادگارلاریندان اولا. یادیگارلیغا قالمادی آیلا، گئتدی. بیلمیردیم آیلا اؤلمهسهیدی دوغوم گونو یادیمدا اولاجاقدی یوخسا یوخ، بیلدیـییم قالسایدی، مینا ایله ایبراهیملا یاشاسایدی، بیر نسلی یاشاجاقدی. هر کس یاشایا بیلمهدیـیی بیر نسلی!
سالام
سایین عباس نعیمی جنایلاری.
تورکو یازیلمانین گرکلی اولدوغونو دوشونورم. تورکجه یازیلما ازربایجانلی لارا گرکلی ایشلردن ساییلیر. آچیقجا دئسم ان تمل ایشلردن ساییلمالیدیر. بو یازی باشقا دیلده اولماسینین ندنی ائله بو آغ ساققال پالتاریندا اولان آداملارین تورکجه اوخویا بیلمه مه لری دیر. بو آدام گورسه تورکجه یازیدیر. اوخومایاجاقدیر. یابانجی دیلده یازدیم آنا دیلینی بیلمه ین اینسانلار دا اوخویا بیلسینلر. یازینین تورکجه اولماماسینا گوره ده گرچکدن آچیخجا اوزور ایسته ییرم.
یازینیزا گوره ده ساغ اولون.
سالام
فارسجا یازیلماق اوخوجولاری آرتیریر. داها دوغروسو بیزیمکیلر سیز دئمیشکن تورکجه یازیلاری اؤنمسهمهییب اوخومورلار. بونون بیر یولو واردیر. او دا بو دور: یازی تورکجه یازیلیب، فارسجاسی تورکجهدن چئویری اولاراق اورتایا قویولمالیدیر.
یاشایین