ش | ی | د | س | چ | پ | ج |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 |
یازان گونلر، هر یئردن بو نه یازیدیر یازیرسان قولاغیما چاتیردی. نهیی یازماق، نئجه یازماغی باسمیشدی. نئجه یازماق دا اؤز یئریندهیدی. نهیی یازدیغیمی، نئجه یازدیغیمی سوروشانلاری سئوه-سئوه جاوابلاییردیم. نئجهلیکله نهیی سوروشانلار، یازیلارلا ایلگیلنمهیی گؤرسهدیردیلر. البت چوخلاری اؤزومده یوخ دالدا سؤز-ساو دانیشیردیلار. دانیشیقلار قولاغیما چاتیردی. من اؤزلریندن سوروشوردوم. هر نئجه اولسایدی، ایلگیلندیکلرینی گؤرسهدیردی. ائله واقتلار دا اولوردو، قولاقلاری توتوق، گؤزلرینی یوموب آغیزلارینی آچیردیلار، آغیزلاریندان گلهنی دئییردیلر.
سونرالار گؤردوم اونلار، یازیلاری یوخ، گؤردویوم هر بیر ایشی، دانیشدیغیم هر بیر سؤزو الشدیریردیلر. الشدیرمک چوخ یاخشی ایدی. طرفلی طرفسیز هر بیر الشدیریده ایشیمه گلن سؤز تاپا بیلیردیم(هئچ اولماسا بئله دوشونورم). بو اوزدن سئویرم الشدیریلمهیی. آمما نئچه آیدیر بیر شئیلر یازمیرام، بوتون سؤز-ساولار ییغیشیلیب. بیر کس داها دئمیر نییه یازمیرسان. ائله دوشونورم بو بیر جور سسسیزلییه چاغیری دیر. آج قولاغیم دینج قولاغیم حیکایهسینی آنلادیر. الشدیریلر تکجه یازاندا یوخ، یازمایاندا دا اولمالیدیر. دانیشیقلاری دایاندیرماق یئرینه، دانیشمایانلاری دانیشدیرماغا چالیشاق البت اگر باشاریریقسا، یازمایانلاری یازماغا چالیشاق. سسسیزلییه چاغیرانلار اولمویاق.
yaz sənin hər nəqədər göylün istir yaz,kim sənə deyip yazma! çox pis adam dir, yaaaaz
یازماق چتین ایشدیر. قالسین گوندهلیک یازماق. بیری بیر سؤز دئیَنده یاخشی ماهانا دوشور الیمیزه یازماماق اوچون!!!