ش | ی | د | س | چ | پ | ج |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 |
ایندیکی زاماندا هر کس گوندمده اولماغی دوشونور، داها دوز دئسم گونجللهشمک زوروندا قالیر. من اؤزوم ده چالیشیرام گونجللهشمکدن دالییا قالمییام. آنجاق بیزلر(گونئی آذربایجانلیلار) نه قدر ده اؤزوموزو گونجللشدیره بیلسک، یئنه ده قیرخ-اللی ایل بوندان اؤنجهنی یاشامالیییق.
بیز گونجللشمکدن تکجه، قولاقلا گؤز بیر ده آغیز موسافیری اولوروق. گونجللشمک بیزیم بئینیمیزده یارانا بیلمیر. داها دوغروسو بیز اؤزوموزو گونجل تانیتدیرماغا، یاتاقلار اولمالیدیر. بو یاتاقلار بیزده یارانماییب.
یاتاقلار نه دیر؟
بیری بو، بیز اؤزوموزو اؤزوموز کیمی تعریفلهیه بیلمهمیشیک. هر زامان اؤزوموزو باشقالاری کیمی تعریف ائلهمهیی باجارا بیلمیشیک.
ایکینجیسی هر کس اؤزونو تعریفلهمهیه اؤزونو اؤیرنمهیی گرکلیدیر کی بیز اؤزوموزو هئچ زامان ایلک باشدان اؤیرنمهمیشیک، بؤیودوکده ده اؤزوموزو اؤیرنمهیی اؤنمسهدیییمیزده اوشاقلیقدا اؤیرنمهدیکلریمیزی اؤیرتمنسیز اؤیرنمهیه چالیشمیشیق.
اوچونجوسو بیزیم اؤیرنمهییمیز گئج باشلاندیغیندان اؤترو دولغونلوق یاشا یئتیره بیلمیریک، یئتیره بیلسک ده اؤلومدن قاچا بیلمیریک.
دؤردونجوسو دولغونلوقلاری اولمویان، یا دا آز اولان کیمسهلر چؤرهیی دوشوندوکده(آج قالماسینلار دئیه) دولغونلوقلارین یاراتماغا زامانلاری یئتمیر.
بئشینجیسی اؤزونو تانیماغا باشلایان کیمسهلریمیز ده ائله بیل بیر گؤرهو کیمی بیر زامانا دک واقت قویماق ایستیییرلر. سوره دولدوقدا گؤرهولرینی بیتمیش بیلیب، اؤیرندیکلرینی بئله، یاشایانمیرلار.
یوخاریداکی ندنلرله بیرلیکده بیر چوخلو باشقا ندنلره گؤره بیز هر گون بللی اولمایان سوره گوندن دالیداییق، گونجللشمهلریمیز ده اونا گؤره کؤهنه دادی وئریر؟!
بیزیم سورونوموز کؤهنه سورندور و بو تئزلیکده ده چؤزهبیلمهیی آغیلا باتان دئییل. تکجه چؤزولمک سورهجی بیر آز یئیینلهشیب. سوروندا همشه گوندهم ده اولماغی دوغال دیر. بیزیم چتینلیکلریمیزین بیریسی اساس سورونلاری گوندهمه چیخارتماق ایدی. بونو سانکی باشارمیشیق.
سورونلارین گوندهمه چیخماغی بیر یؤنو دیر، باشقا یؤنو سورونو نئجه گؤرمک دیر.