داش قاپی
دوشوندوک‌لریمین پارچالارینی هردن ایسته‌دیـییم کیمی یازیرام
داش قاپی
دوشوندوک‌لریمین پارچالارینی هردن ایسته‌دیـییم کیمی یازیرام
یایدا قاپادیلیر
هاوا داها قیزقین‌لاشیب، اؤیرنجی‌لر سیناولارلا اللشیرلر. موعللیم‌لرین درس‌لری بیتیب، دینجلمه‌یه چیخیرلار. هر کس کؤلگه‌لیک تاپیر، دینجلیر. ایش‌چی‌لر ده هر زامان‌کی کیمی ایش‌لمه‌لی‌دیرلر. هفته سونلاری اونلارا یئتر. اکینچی‌لر ده پاییز گیرنه‌دک زمی‌لرده اولمالی‌دیرلار. کندین ایش‌لمک زامانی‌نین چیلله‌سینه یئتیش‌دیک‌ده شهرلی‌لرین دینجلمک زامان‌لاری باشلانیر. بیز ده کندله-شهر آراسیندا ساییلدیق‌دا چؤلـله خوشلانساق‌دا ایشلی‌یه بیلمیریک.
ایشلمه‌مه‌ییمیزین ندنی ایکی دیر؛ بیر بو کی چؤللوک ایشیمیز یوخدور، ایکینجی‌سی ده چؤلده ایشله‌مه‌یه گوجوموز یئتمیر. آنجاق کندی اؤزوموزده یانسیتماق ایستی‌ینده ده بیره‌لی سورن یانسیتمالار یازین سون گونلریندن سینیق-سالخاق‌لاشیر، یایدا دا قاپادیلیر!.
دانیشا بیلدیم کی دانیشمادیم!
آنایوردوم دوشرگه‌سینده، "سوسماق بئله دانیشماق‌دان یاخشی‌دیر" عونوانیندا یازی گئدیب‌دیر.
او یازیدا نئجه تورکی دانیشماق‌لارا توخونولوب. آذربایجاندا اولانلار دوغرو دوزگون تورکو دانیشا بیلدیلر کی دانیشمادیلار!. بو دیلی دوز دانیشماغی هاردان اؤیرنمه‌لی‌دیرلر!؟. نه زامان اؤیرتدیلر اونلار اؤیرنمه‌دیلر؟!.
گؤردویوموزدن اؤزوموز ممنون اولاق
چوخ آز اینسان‌لار کونوللو اولاراق اؤز ایش‌لرینی سئچیرلر. باشقا اؤلکه‌لری بیلمیرم بوردا کی بئله‌دیر. چوخ آزلاری دا اؤز ایشلریندن، دوروملاریندان راضی‌دیرلار. بو راضیلاشماماغین ندنی ایشین سئچیمینه قاییدیر. چوخ آداملار اولدوغو یئرلریندن چوخ اوجا یئرلرده ده اولدوق‌لارینی، یئری دوشدوکجه وورغولویورلار. اولدوغو یئرلرینده ایشلرین، دوز گؤرمه‌مه ندنین ده اوندان آسیلی بیلیرلر. توپلومدا دورومو من بئله گؤرورم. یاددان چیخارمامالی‌یام، توپلومدا گویوللو ایش‌گؤرنلر ده وار. سؤزوم بوردا دیر من گؤردویوم ایشدن راضی اولوم یانی ایش‌یییه‌سی اؤزوم اولسام، ایش‌گؤرنلری منیم تک ایشلمک‌لرینه ایشی یئردن قالدیرماغا اینانیم. هر کس اؤزونون گله‌جه‌یینه گؤره اؤز ایشینده اوزمان اولمالی‌دیر. ایشی اؤیرنمه‌لی‌دیر. ایشدن قاچان آدام، ایشی‌نی ده دوغرو دوزگون اؤیره‌نه بیلمز.
سوبایلیق سولطانلیق دیر؟!
بو سؤزو چوخ ائشیت‌میشیک، سوبایلیق سولطانلیق‌دیر. هر بیریمیز ده آز-چوخ سوبای یاشامیشیق، یا دا یاشاماق حالینداییق. سوبای اولدوغوموزدا سولطانلیق، ائله‌دیـییمیزی ده دویا بیلمه‌میشیک (البت یازی‌نین بوراسی ایندی ائولی اولانلار اوچون دیر). سولطانلیق نه دئمک، آدام ائله پیس گونده یاشاییرکی، اوزون سورمه‌دن، اؤزونه اولمویان آغری‌لاری گتیریت‌دیریر. عومور بویو سوبای یاشاسا دا، گله‌جه‌یینه زومار آتدیرماغی دوشونمور. بیردن گؤز آچیر، 30 یاشدان یوخاری اؤزونو گؤرور. هر یاندان دا زورا باسیلیر آی بالا ائولن گؤرک! ائولنمه‌سن اوشاق‌لارین کوچه‌ده اوینایاندا ددم روحو دئیه‌جک‌لر. ائله بیلیرسن هر کس سندن ماراقلانیر. دورومو ائله گؤردوکده هردن ده شیرنیـییرسن. هئچ کس ده سندن اینجی‌میر. دئیه‌سن بیزیم دونیادا سوبای‌لارین سؤزونو سؤز یئرینه قویمورلار. بیر آدام سندن گیلئی‌لنمیر. تئز یاتدین، گئج یاتدین، گئتدین، گئتمه‌دین، اولدون، اولمادین، قالدین، قالمادین هئچ کیمین سندن ایشی یوخ دیر. تکجه اؤزونسن، اؤزون بیلیرسن نئیلیرسن. اؤزووه یاشاییرسان، پیس-یاخشی‌سی دا تکجه اؤز آیاغیوی توتور. ائله یونگول اولورسان، هر نه ایش گؤره بیلیرسن. سوبایلیق یادیوا دوشور ایسته‌میرسن یادیوا سالاسان. بیلمیرسن دئیه‌سن سوبای‌لار آماندی ها ائولنمه‌یین!. بیر عومور گؤزلنمه‌دیک‌لر، ائولندییین گونلره ساخلانیلیب.