ش | ی | د | س | چ | پ | ج |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 |
بیلمیرم من بئلهیم، یوخسا هر کس بئله دیر. ایندی دئییرم نئجه. اؤزومه بیر پارا سؤزلر وئرمیشم، گونلر، آیلار، ایللر اؤتوب اوستوندن هله توتا بیلمهمیشم. بیلمیرم او بیریسی دونیادا توتاجایام یوخسا یوخ! هر ایل باشلاندیقدا اؤزومه دئییرم؛ بو ایل باشقا ایللره بنزمز توتمالییام. ایلین اورتالاریندا دا یادیما دوشور، دئییرم بو ایشی قورتاریم تئزلیکله باشلارام. اؤزومه وئردیییم سؤزو یئرینه یئتیرمهیه ائله بیلیرم ذئهنی جهتدن بیر آرخایینلیغا یئتیرندن سونرا گؤرمهلییم. آمما نه قدر قالابالیقلاریمی آزالدیرام، گئنه بیر شئیلر وار. باشینیزی آغریتماییم، یایین سایخینلیغیندا دئییردیم، دینجله بیلرم، باشلارام. یایین سایخینلیغینا فیکریم قاتیشدی، وئردیییم سؤزوم یادیمدان چیخدی. البت بونو آرتیرمالییام اؤزومه وئردیییم سؤزلر یادیمدان چیخیر. اؤزومه وئردیگیم سؤز ده دوغروسو یادیمدان چیخمیر، آنجاق حاضیرلیغیم اولمور. بو دؤنه سؤز وئریرم قیشدا سویوخ اینجیتمهسه، اؤزوم ده اوشومهسم سؤزومو توتام. بیلیرم کی پاییزدا باشیم قاتیشیق اولار، توی-دویون چوخ اولار. واختیم اولماز!.
اینسانلار بیر ساییسی بیلگی سایار کیمی دیرلر و پلانلاری ایله قاباغا گئدیرلر. بئله عادت چوخ یاخشی دیر آنجاق بیلمیرم بئله آداملاردان نئیه خوشوم گلمیر، ائله کؤکلهنمیش ساعات کیمی دویغو-مویغولاری یوخدور.
سلام
بئله دیر عابباس بهی
ایشلری قولاق آردینا سالاراق عؤمورو کئچیریریک.