قادینلاری باشا دوشمک بیز ائرککلر اوچون چتین اولسا دا، قادینلارا گؤره اؤز ایلگیلنمهییمیزی یاخشی بیلیریک. بیر اینسانی دوشونمهیه، بیزلرین چرک بیلگیلری یئتهرلی دئییل. قادینلاری دوشونمهیه، اؤزو ده ایستهدیییمیز کیمی دوشونمهیه باخیشلاریمیزی بوتون کیشیلرین باخیشلاری گؤسترمک دوز دئییل. کیشیلر اؤز آچیلاریندان ایستهدیکلری کیمی قادینلارا باخا بیلرلر. بیرسیرالاری باخیشلارینی دیله گتیریرلر، بیر سیرالاری دا گتیرمیرلر.
قادینلارا گؤروشلر نئجه اولور اولسون، اینسانین یارانیشی جوتلشمهیه دیر. بئیینلریز جایماسین. جوتلشمک تکجه جینسل دئییل. قادینلارلا ائرککلر بیر-بیرلرینی بیتوولشدیریرلر. بو بوتوولشمه هر یؤنده اوز وئریر. هر بیر اینسانی بیر ائش بیتوولشدیره بیلیب-بیلمهدیینی کیمسه ثبوتلایا بیلمیر. نییه اینسانلارین فیزیولوژی-پسیکولوژی گرکلری بیر-بیرلرینن فرقلیدیر. آنجاق زامان سورهسینده اینسانلار گلهنکلری گرکلی گؤروب، توپلوملارین یاخشی یاشاماغینا بیر ائشلییی سئچیبلر(تام اولاراق یوخ).
ائرککلر باشقا قادینلارلا ایلگیلندیکده اولا بیلسین بوتون بوتوولشمهین بؤلوملرین بوتؤولشدیرمهیه چالیشسینلار. کیشیلرین ائرککلیک دویغولاری بو ایلگیلنمکده ائتگیلی اولا بیلر. هر زامان فیزیولوژی-پسیکولوژی ندنله قادینلارا ارلیک حیسیله آتالیق حیسی(یییهلنمک دویغوسو) اللری چاتان قادینلارلا ایلگیلنمهیی قاچماز ائلهییر. البت بو کیشیلرده فرقلی ده اولور.
ایندیکی شهرلرین یوزه دوخسانینی کندلی شهرلیلر توتورلار. کندلی شهرلیلر کندین یاشاییشیندان قورتولسون دئیه شهرلره قاچدیلار. گؤزلری شهرین بوشلوغو توتان کندلیلر شهرده یاشاماغی هر قیمته سئچدیلر. یئرلرین(زمیلر، یایلاقلار، چایلاقلار) بوراخیب، شهرلرده فهلهلییه باشلادیلار.
شهرده یئرلری اولمادیقلاری اوچون(آتا-بابالارینین یئرلری کندلرده ایدی)، شهرین قیراق یئرلرین قانباهاسینا آلیب، بیر کولوخ دوزلدیب، آرواد-اوشاقلارینی یئرلشدیردیلر.
شهرلیلرین فیریلداقلیغین اؤیرنمهدیکلری اوچون هر جاناوارا یئم اولدولار. اوشاقلاری درسه گئتدیکده کندلیلیکلرین گیزلتسین دئیه کند غرورلارینی ایتیردیکلری اوچون شهرلیلره بوتونلوکله ازیلدیلر.
بیر نفر سحردن گئجهیه دایانمادان چالیشیر، سونوندا بئش-اون تومن آلیب، گلهجهیی دوشونمهدن او گونو زور کئچیردیرلر. کیشی ایشلهییر، بیر بوللو خیزان یئییر (یئمک نه یئمک!). اوشاقلاری یییهلنمهدیکلری اوچون اوشاقلار اؤزباشینا اولورلار.
بئله بیر شهرلیلر هر ندن قالیرلار. کنددن ده شهردن ده. کندلیلیکدن ده شهرلیلیکدن ده
شهرلی کندلیلر، کندلری شهر اولان کندلی-شهرلیلره دئییلیر. بئله بیر شهرلیلر شهرلیلییی قازانماق اوچون ائله واقتلار اولور ساواشیب، قان تؤکورلر. هر نه اولسا، یئرلری بؤیویوب، اؤزونه بولوار، خیاوان، پارک، بیلیمیوردو، خستهخانا، بلدیه باشقانی و... ایستهییر.
شهرلی کندلیلر کند ایشلرینین بوتونونو گؤرورلر. بو ایش گؤرنلرین ایچینده شهرلیلره تای آداملار دا وار. بیری توکان دولاندیریر، بیری دئولت ایشینه گیریر. بیرلری ده بوش-بوش گزیب پول توپلاماغی بهیهنیرلر(بئله پول قازانماق ایندیلیکده کندلره ده گیریب). سوموکلری آغیرلانانلار، آتا-بابالاریندان قالان یئرلری(شهر اولدوقدا مئتیره دوشور، اکین اکمک یئرینه بؤلوب مئتیرینی ایستهدییی پولا ساتیر) ساتیب-ساویریرلار. ائنینه-بولونا خرجلهییب سسینی گورولدهدیرلر. شهرلیکندلیلر باشلار ایچینده باش چیخارتماغی بهیهنیرلر. شهرلر آراسی هر یاریشمایا قاتیلیرلار.
اؤزلرینی چوخ بهیهنمکلرینه باخمایاراق گؤزلری باشقا شهرلرده گزیر. داها دوغروسو باشقا شهرلری اؤزلرینه اؤرنک گؤتوروب گلیشدیریرلر. بیلمیرلر اؤرنک گؤتوردوکلری شهر، باشقا شهری اؤزلرینه اؤرنک گؤتوروب.
بو شهرلرین اؤزلرینه مجلیس وکیللری اولمادیقلاری اوچون گؤزلری باشقا بؤیوک شهردن چیخان وکیلده اولور. هردن مجلیسه وکیل یوللاماق اوچون بوتون گوجلرین وورورلار، اولمور کی اولمور.
شهرلیلیک نه زاماندان تاپیلیب، بیر سؤزلر دئمک اولار. آمما بو کی ایندیکی شهرلیلر نه زاماندان شهرلی اولوبلار اونو بیلمک چتین دیر. بیر سیرا شهرلیلر زیر شهرلیدیرلر. بئله شهرلیلرین آتا-بابالاری یادلارینا گلن شهرده اولوبلار، آتا-بابادان شهرده ائو قالیب.
شهرلیلرین ائولری ییغجام اولور، ائولری بیر زامان یئکه اولموشدوسا، سونرا ائولر اوشاقلارین آراسیندا بؤلونوب، گئتدیکجه کیچیلیب. شهرلیلرین بؤیوک ایشلری ایشدن قاچماق، ایشلرینی باشقالارین باشینا سالماق دیر. شهرلیلرین گؤزلری باشقالارینین الینده دیر. قوناقدان خوشلانمازلار. هر زامان بیر شئلرین گیزلهدرلر.
بازاردا اولماقلا دئولته ایشلمهیی بهیهنرلر. آرالاریند ایشآداملاری اولور، بو ایش آداملاری ایسه ایشلرینی هر کسین اوزونه چکیر. شهرلیلر درس اوخوماغا اؤنم وئریرلر، دئولت ایشینه گیرمک اوچون(کئچمیشده نئجهایدیلر بیلمیرم).
هر آداملا یاخینلاشمازلار، باشاردیقجا بیر کسی قوناق ائلهمزلر. اللریندن گلن هر کسه قوناق اولارلار، قوناقاولدوقلارینی ایفتیخارلا دئیرلر. هر زامان بؤرکلریندن برک توتارلار. یئری گلسه هر کسی ساتارلار(قارداش، یولداش، باجی، آنا).
یوخاریدا یازدیغیم اؤزللیلیک بوتون شهرلیلرین دئییل. شهرلیلرین ایچینده یاخشی آداملار آزا-چوخ تاپیلار. شهرین بؤیوک-کیچیکلیایله فرقلی شهرلرین آداملاری فرقلهنیر.
کندلیلر، اوشاقلیقدان چول-باییرلا ایلگیلنیرلر. کندلیلرین دوروملارینا گؤره ایشلمکلری فرقلی اولور. هر کس گون چیخاندان ایشه گئدیر. آروادلی-کیشیلی، قیزلی-اوغلانلی هر کس ایشلمهلیدیر. اولا بیلسین ایشه تزه باشلایان اوشاقلار ایش اوچون زورلانسینلار، اونلاردان باشقا هر کس ایشین بیر اوجوندان یاپیشیب ایشلهییرلر. گرکن یئمکلر، نسنهلری اؤزلری یئتیشدیریرلر(ایندیلیکده بیر آز دهییشیبلر، بیر آز شهرلیلشیبلر).
کندلیلر یالان دانیشماقدان آجیقلاری گلر، قوناغی سئوهرلر. بیر سوفرا باشیندا اوتورسالار، دوز-چؤرک یئدیکلرینه گؤره دالدان خنچر وورماقدان چکیلرلر. ایش چئویرمهیی دوشونمزلر. بؤیوک-کیچیک حؤرمتی ساخلانیلار. دوستلوقدا سونونا قدر اولورلار، دوشمان اولدوقدا دوشمانلیغی اوزلرینده یانسیدارلار.
کندلیلر تئز ائولهنرلر، تئز ائولندیکلری اوچون گؤزلری اونون-بونون ناموسونون دالیسیندا اولماز. آرواد-کیشی بیر-بیریندن چکیلمزلر. قیزلار اوغلانلاردان قاچمازلار. بیری بیرین سئوسه، تئز اوزه چیخارارلار. گیزلی سئوگینی اوزاتمازلار. قیزی وئرمهدیلر قاچیردارلار.
کندلیلرین سیخینتیلار درساوخویان اوشاقلارینین چتینلییه دوشدوکلری اولور. درسی اوخویوب بیتیرن کندلیلر داها کنده قاییتمازلار.
شهرلیلری اؤز یئرلرینده(کندلرده) سئورلر، شهره گئتدیکده شهرلیلرله خوشلانمازلار(شهرلیلرین کندلیلره توخوندوقلاری اوچون). شهره گلدیکده جالیشارلار شهرلیلرین دبلریله داورانالار.
کندلیلر ساغلام یاشایارلار. هر کس کندلیلری گؤردوکده سوت-قاتیقلا سارییاغی ساغلاملیقلاری اوچون ائتگیلی بیلیرلر. ایشلمهیی، دوغادا یاشاماغی، دوز یاشاماغی ائتگیلی بیلمزلر.
کندده کاسیب، دئولتلی او قدر سئچیلمزلر(تویدا- یاسدا).