ش | ی | د | س | چ | پ | ج |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 |
بیر آنا دونیاسین دهییشیر. سسسیز، سمیرسیز. باشیولداتمادان بیر کسه. گؤزون یومور گئدیر. گؤزو دالدا قالسا دا، گئتمهییین قاچیلماز بیلن آنا، گئدهجک واقتینی، هر کسین قورالی قورولدوغو چاغدا سئچیر. کیمسه یئریندن اوینامایان زامان. آیاغی دنگ آلان زامان.
بیر زامانین اوشاغی اولان آنا، دئیهسن هر زامان آنایمیش، آنا. بیر زامانلارین قیزی اولان آنا، بو گونلرین آناسیدیر. گلینباجی اولان آنا، بیر عؤمور باجی قالیر هر کسه، بیریلرینه گلینباجی، بیرلرینه تکجه باجی.
آنالیغی قارنیندا داشییان آنا، اورهیینی سئوگییه دولدورور. اورهیینده سئوگی دوغدورور. آنانین سوتو قوروسا دا، سئوگییه دولور. سئوگی امیرلر اوشاقلار. بیر ارسیز آنانین سئوگیسی تکجه اوشاقلارینا چاتار.
هردن دولار، آغلار آنا. گؤزلریندن یانار آنا. آغلار، ایچین-ایچین آغلار. آغلار اوشاق اوچون، آغلار. آغلار اردن آغلار. آغلار اؤزونه آغلار. گوزگوده گؤزونه آغلار.
هر گون دیدیشسه ده، اوشاقلاری وارکن، دالی اوتورماز. آنالیقدان یورولسا دا، سئودیییندن قالار. اوشاقلارینا باشلارینی دیک توتدورار. آلینلارینی آچدیرار. هر بلانی اوشاقلاریندان قاچدیرار. بیردن گلر، اوشاقلاری بیر-بیر باشقالارینی سئویب گئدرلر. سئوسهلر ده گئدرلر، سئومهسهلر ده. گون بئله گلر آنا تک قالار.
تک قالدیقدا آنالیغی سونا چاتار دئیهسن. آنالیغیندان نئچه آنا دوغولوب، آنانین. دوغانلار، بو گونون آنالاری، او ایسه کئچمیشین آناسی. بؤیوک آنا اولدوقدا، باشقا آنالار تام آنا اولمورلار دئیهسن. آنالار، تام آنا اولسون دئیه بؤیوک آنا دونیاسین دهییشهر. سسسیزجهسینه سوزوب گئدر. بیردن گؤررسن، بؤیوک آنا، باجی، گلینباجی گلینلییین گئییب گئدیر. یاخین یولاسالانلاری، تویلاریندا اولوب، تویوندا اولمویانلار اولور. او دوغانلار اولور. گلینباجی بیر داها آغ گئییر. گلین چیخیر.
سالام
نئجه سیز بی؟
من سیزین بلاگیزا نئچه گوندن بیر گلیب باش چکیرم، هر بیر یازینیز نئچه واخت بئینیمی چالخالاندیریر، بئله بیر یازیلارا یانقینام ، هر یازی بیر سورو ایزی دیر منجه ...
یازیلاریزین داوامی اولسون لوطفاً
سالام داواملانار اینشاا...
سلاملار و سایقیلار - اللرینیزه ساغلیق عزیز قانداشیم - من تبریزدن سیزه یازیرام - عزیز قارداش بو فارس مئدیا سیندا چالیشماق یئرینه ، فیس بوک دا گنیش بیر سویه ده چالیشین - میللی چالیشقانلارین هامی سی اوردا اولورلار - بیلوکس مسنجرینده و پالتاک دا دانیشیق اوتاقلاریمیز دا اولور - یولونوزو گوزلییریک - هر ایکیسینده منی azarbai آدینان تاپا بیلرسینیز - یاشاسین آذربایجان
سالام،
فارس مئدیاسی دئدیینیز، ظنیمجه بلاگاسکای دئمکدیر. بو دوشرگهیاتاغی فارسلارینکی دیر. باشقا دوشرگه یاتاقلاریندان فایدالانماق اولار. دوشرگهلریمیزین چوخالماغی بیزیماوچون اؤنملی دیر. فیسبوکلا پالتاغیندا دیرلری باشقا دیر.
ساغ اولون
BU ANTİ ƏDƏBİYAT,ANTİK ƏDƏBİYAT DA DƏYİL!