ش | ی | د | س | چ | پ | ج |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 |
نیفرت دوغوران آداملارین فضاسینا گیرمک، اینسانی نیفرته سوروکلویور. نیفرته سوروکلنمهدن قورتولماق اوچون، نیفرت دوغورولان فضالاردان اوزاق گزمه گرهکیر. نیفرت دوغورانلار، آنالارین قارنیلاریندان نیفرتی اؤزلریله بو دونیایا گتیرمیرلر. دونیادا یاشادیقلاری سورهجده نیفرت اونلاردا جانلانیر. نیفرتین جانلانماغی، اینسانین روحی بوشلوقلاریندان یارانا بیلر.
توپلومدا آلینماماقلار، گؤزلهنیلنی یئرلرده اولماماقلار، نیفرتین یارانماق ندنلری اولا بیلرلر. کیمسهلر اؤزلرین یئرلرینی گرچک گؤرمهدیکلری اوچون اونلار دوشوندوکلری یئرلرده دورانلاردان نیفرتلهنرلر.
اینسانلاردا نیفرت یاراندیقدا، بوتون یئتهنکلری نیفرتی یاشاتماغا یؤنلهنیر. بئله بیر اینسانلارین بئیینلرینده، پوزماقدان سونرا هئچ بیر شئی یئر آلمیر. بیر ایش گؤرسهلر ده پوزماقدان اؤترو گؤررلر. بو آداملار اؤزلوکلرینده سؤرون اولماسالار دا، توپلوما یانسادیقلاریندا توپلومو نیفرته دوغرو یؤنلده بیلرلر. بونلارین قارشیلاریندا دوران آداملار ایسه ایستر-ایستهمز نیفرته دولارلار. بیردن گؤررسن، نیفرت توپلومون بوتونلویونو بورویوب.
نیفرتدن قاچماق ، نیفرتدوغوران کیمسهلرین چئورهلریندن اوزاقلاشماق دیر. نیفرتی دوغورانلار، ایلک باخیشدا نیفرتلی گؤرونمزلر. داها دوغروسو نیفرتلی بئله داورانمازلار. یاخینلاشدیقدا نیفرتلرینی باشقالارینین باشینا قوسارلار. نیفرت قوخوسوندان قورتولماغا، بیر عؤمور غوسل گرهکر.
بو نیفرت دئییلن دویغو آداملارین باشینا گلن اولایلاردان دا آسیلی اولا بیلر منجه!!!
بونو دا دئمه لی یم؛ نیفرت بیر زلی کیمی آدامین روحون بوشلوغا دا آپارا بیلر...
نیفرتی قوسماق گرک دئییل؛ نیفرتی سن بیری نین گؤزونده ده گؤره بیلرسن؛ دوز دئییرم؛ درین باخسان بیر زمی نیفرت بیچمه میش قالیب اورالاردااا
اولایلار، نیفرتی یاراتسالار دا نیفرت دئییلن دویغودان قورتولماق گرک دیر. یوخسا نیفرت دوز گؤرمکله درینباخماغین قاباغین آلار. اونا گؤره ده ایچیمیزدهکی نیفرتلری آلاق ائلهمهلیییک.