قاخینج

    اؤزونو بیلندن، اوزونه سؤز گلردی. گؤردویو ایش‌لرین هامیسی باشینا قاخینج اولاردی. گؤردویو ایش‌لر تکجه اونا یوخ بوتون تانیش‌لارینا قاخینج ایدی. تانیش‌لار اؤز آرالاریندا، اون اله سالیب گولسه‌یدی‌لر ده، چالیشاردی‌لار قویماسین‌لار باشقالارینین گولونجو اولسون‌لار. 

    او بیلیردی، گلن سؤزلر، اونون کی یوخ، اونا تای دوشونموین‌لرین‌کی ایدی. بؤیودوکجه، دوز ایشله‌دی‌ایله، دوز دوشوندویونه اینانیردی. ائولریندن سونرا باشقالارینین قاخینج‌لاری ایکی، اوچ ده‌فه اولمادی. هر کس یئرینده اوتورموشدو. گولن‌لر ده اوزده گولموردولر. هئچ کسین اوره‌یین سیندیرماغین ایسته‌مزدی. یاواش-یاواش دانلاماق‌لار باشلانمیش‌دیلار. کیمسه داها گولونجدن سؤز دانیشمیردی. سؤزلری پالازا بورون ائلینن سورون ایدی. 

   دوشونوردو، ائلی پالازا بورویوب، اوچوروما سوروردولر. اوچوروما گئتمه‌یه‌نی اله سالیب، ائلین قاخینجینا قویوردولار.