-
آلئیبانی
دوشنبه 3 خردادماه سال 1389 10:35
اوشاقلیقدان یادیمدا قالان قاباریق قونولاردان بیری ده آلئیبانی دیر. آلئیبانینی من هله ده وار بیر جانلی کیمی تانیـییرام. یانی بئینیمده بیر وار اولان جانلی کیمی یئر آلیب. آلئیبانی دئدیـیین دؤشلری یئریله سورولن آرواد کاراکتئری دیر. دؤشلری یئرده سورونمهسین دئیه دالینا آتار. زاهی آروادلارین باشیندا گزیب، زاهی تک اولدوقدا...
-
بیزیم کیلاسین بیرلیـیی
یکشنبه 2 خردادماه سال 1389 13:28
بیزیم بیر کیلاس وارایدی، هر آغیزدان بیر سؤز چیخیردی، هره_سی ده فرقلی هاوادا. هانسی اوستاد سیناوین نئجه و هاچان آلینماغین بیزه تاپشیریردی، اوزون سوره_دن سونرا پئشمانلییب، هر کسی دانلیـییردی، دانلاقدان اوزوموز بیزدن کوسموشدو. بئله بیر دورومدان قورتولماغا کیلاسین اوشاقلاری بیر یئره ییغیشیب، اورتاما گلمک ایسته_دیک....
-
آغاجدان آلما دررم
شنبه 1 خردادماه سال 1389 09:15
آلمانی آغاجدان درمه_یینین دادی باشقا دیر. ال دولوسو آلما الین اییچینه اوتوروب، بیر الده بوداقدان یاپیشیر، ایسته_میرسن ده دره_سن، الیوین ایچینده قوخولویورسان، آلمانی آغاجدان قوپارماق ایسته_سن ده قوپارانمیرسان. دیشلرین آلمایا قیجیـییر، گؤیلوندن گئچیر دیش_لرین آلمانین اتین قوپاریب، سویون آخیردا. آغزین سولانیر. بونلار...
-
کئچمیشده قالان شهره داریخیرسان
چهارشنبه 29 اردیبهشتماه سال 1389 19:00
خویو تانییانلار خویون قدیمی محله لرینین آدلارین یاخشی تانییاللار، بیر سیرا آدلار جوغرافی موقعیت اسایندا، بیر سیراسی دا اوردا اولان آداملارین ایشلریله ایلگی_لی وئریلیب. ماکی قاپی_سی، محله خیاوانی، تبریز داروازاسی، قویونچولار، صابونچی لار، حصیرچی لر، خاماچی لار... ایندیلیکده خویدا او آدلاردان داها ایز گؤرمک اولمور، یئنی...
-
شهریارین شعرلرینده چاخناییشی آچیقلاماق
سهشنبه 28 اردیبهشتماه سال 1389 07:51
ناصر منظوری آذربایجانین تانینمیش یازیچیسیندان ایکی کیتاب بو عونوانلاردا یاییلدی: 1- کتیبههای شفاهی (۱) آشوبی شدگی در شعر شهریار (۱) 2- کتیبههای شفاهی (۲) آشوبی شدگی در شعر شهریار (۲) (حیدربابا) ناصر منظوری بو کیتابلاریندا شهریارین شعرینده چاخناییشلیغی آچیقلاییب. ناصر منظورینین کئچمیشدکی یازیلارینین آخینی اولاراق بیز...
-
براهینی-نین سفر مصر کیتابی
چهارشنبه 22 اردیبهشتماه سال 1389 10:12
چوخ زامانلار اینسانلارین دوشونجه_لرینین هانسی یؤنده اولدوغو بللی اولمور، یانی اینسانلار فرقلی زامانلار دوشونجه دونلارین دییشدیرمکده گؤرونورلر. البت دئییرم گؤرونورلر، بیزیم آچیمیزدان باخدیقدا بئله گؤرونورلر. بیر کسین هانسی یؤنه باغلی اولدوغونو نئت دئمک اولمور. براهینی ده او آداملارداندی کی چوخ آداما نئجه دوشونجه ده...
-
کیتاب سرگیسی
سهشنبه 21 اردیبهشتماه سال 1389 16:26
تئهرانین کیتاب سرگیسی نئچه گوندور آچیلیب دیر، کیتاب سرگیسی نه گئتمه_یه ماراغیم چوخ اولار، گئدیب یایین ائولرینین یایدیق_لارینی بیر یئرده گؤرمک اؤزو چوخ دیرلی اولور. هر زامان کیتاب آلماق ایمکانی دا یارانمیر. تورکی کیتاب یایان یایین ائولرینین سایی آز دا اولسا، باشقا یایین ائولریندن قالابالیق اولورلار. البت بیر سیرا یایین...
-
ایلک تانیشلیق
یکشنبه 19 اردیبهشتماه سال 1389 08:41
تزه هس-هوس قانیردی، هله بیغلارینین یئری آغ-قیرمیزی آراسیندا سوتول ایدی. اؤیرنجی اولماق اوچون بیر آزد دا تله_سیردی، او زامانا دک گؤرمه_دیـیی یئره گئتمه_لیدی. تکجه گئتمک دئیلدی، اوردا گرک یاشیـیاردی. هر کس اؤز ظنلریجه بیر سؤزلر اونا اؤیردیردیلر. یولداشلارینین هامیسیندان تئز اؤیرنجی اولمیشدی. بو ایکی نه اوخویاجاق اؤنملی...
-
بیر دیللی یاغیر
شنبه 18 اردیبهشتماه سال 1389 10:43
بایرام گونوندن باشلاناراق یاغینـلارین هله ده دالیسی وار. بایرام گونو قاریلا باشلانان یاغین، شیدیرقی یاغیشلارلا آردیلاندی، سونرا خیمیر-خیمیر کسیلمدن یاغدی، ایندی ده آرا سیرا یاغیر. بو ایل، نئچه ایللر چؤللردن کوسن اوتلار، یئنه ده چؤللره قوناق گلیب، یئر گؤی دئیه_سن ال-اله وئریب_لر اؤزلرینی اوزه چکه_لر. هر نه ایسته_سه_لر...
-
قارا یازی
چهارشنبه 15 اردیبهشتماه سال 1389 08:51
دونن یولداشلاردان ائشیتدیم، شریف بیلیم یوردونون آذربایجانلی اؤیرنجی_لریندن بیرینین اوزاقلیغینا او بیری دونیا دؤزه بیلمیـییب چکیب آپاریب. بو خبر نئچه یؤندن چوخ آجی ایدی. بیرینجی سی، بیر گنجین گنج چاغدا دونیانی قویوب گئتمه_سی دیر کی آنا-آتاسی یاشایارکن او آجی دا اونلارلا یاشیـیاجاق. ایکینجی_سی گنجین باجاریق_لی اولدوغو...
-
قووالا قاشدی
سهشنبه 14 اردیبهشتماه سال 1389 16:42
بوگون واختیم اولمادان، دوشرگه ده دوشوب، اَیلنمه_ییمه واقت یوخدی. اونا گؤره ده تئز تله سیک باخماغا دا زور دورومدایدیم. بئله تله سیک گلیب گئتمک اوشاقلیقدا اوینادیغیم "قووالا قاشدی" اویونو یادیما سالیر. او اویوندان آییرد بیر شئی یادیمدا یوخدو، تکجه بیری قووالاییب بیری قاشدیغی یادیمدادی. ایندی ده دئیه سن او...
-
یولدان قالمامالیدی
دوشنبه 13 اردیبهشتماه سال 1389 10:44
نئچه گوندن قاباق سؤز وئرمیشدیلر داغا گئدیب، اوتلاردان ده_یه_لر. او گون گلیب چاتمیشدی، اونلار ماشینلارینی چایین قیراغیندا قویوب، دمیر کؤرپونون آتلییب، داغا ساری یولا دوشدولر. یاغیش دایانمادان یاغیردی، داها دوغروسو یاغیش ماتینا دوشموشدو، خیمیر-خیمیر یاغیردی، گؤزلر قیـییلی یولو گؤره بیلیردیلر. بلتچی_لری یولون هارا...
-
دینجلمه لیدیم
شنبه 11 اردیبهشتماه سال 1389 10:36
هر آغیزدان بیر سؤز چیخیردی، بوتون آغیزلار، آغیز-آغیزا وئرمیشدیلر، آغیزلاردان چیخانلار نئچه قات اولموشدو. بوتون قولاقلار قولاق-قولاغا وئرمیشدیلر، آغیزلاردان چیخانلاری آییرد ائله_یه بیلمیردیلر، آغیزلار قاباغا گلیب، قولاق_لار یانا بورولوردولار. گؤزلر ده دایانمادان یان-یووره_یه دونوردولر، دوداقلانان سؤزلری بلکه سئزه...
-
گئریـیه قالمیش کیمی باخیلمیـیاق
چهارشنبه 8 اردیبهشتماه سال 1389 08:26
دونندن بئینیمده بیر سؤز فیرلانیر، یانی هر بیر ایش گؤرورم یئنه گلیر او فیکیرین اوستونده دایانیر. او سؤز بو دور؛ بیزیم گوونیلن قونولاردان بیری بیزیم شیفاهی لوحه_لریمیزدیر کی بو شفاهی لوحه_لرین ایچینده شفاهی خالق ادبیاتی، آشیق_لارین ماهنی لاری لا ریوایت_لری، سیجیرله_مه_لریمیز، آتالار سؤزلری و.... دیرلار. بو لوحه_لر...
-
قاچای
سهشنبه 7 اردیبهشتماه سال 1389 16:03
بوگون یولدان کئچنده گؤزوم دووارا یاپیشان بیر کاغادا دوشدو، بیر اؤلوم بلگه سینه اوخشویوردو، یاخینا گئتدیکده ائله او جور ایدی، بو کاغاذلاردان هر گون چوخ گؤروروک، هئچ بیر ائتگی لنمه دن سووشوروق گئدیریک، اوندان سئوای بیر ایش گؤره بیلمریک. آنجاق بونو باهانا ائله_ییب یازماغیم او دونیاسین دَییشن آدامین آدی دیر. اونون آدی...
-
سیرا گونو
سهشنبه 7 اردیبهشتماه سال 1389 09:42
او گون اونون سیراسی ایدی، قارانلیق لارا گئتمه_یه، البت قارانلیق دئدیکده ائله نظره گلیردی، یوخسا هئچ کس اورانین نئجه اولدوغونو دوشونه بیلمه_میشدی. هر کیم وارایدی بیر گون او قویودان یئنیب درینلیـیه گئتمه_لیدی، باشدان پوشک آتیلمیش دی، هئچ کس ده قایدانی پوزا بیلمزدی. یاخشی_لیغی بوردایدی کی هر کسین نئچه واقتدان سونرا...
-
دلیلنمیش یئللر
یکشنبه 5 اردیبهشتماه سال 1389 16:23
بو گونلرین گئجه لری یامان یئللی اولور. قارانلیق سریلندن سونرا یئل باشلیـییر اسمه یه، اونو دا نه اسمک، ائله بیل ایستییر هر نه وار قاباغیندا گؤتوروب آپارسین، بولوت لاری اؤزو ایله اویان-بویانا سوروتلویور. بولوتلار قورولتای قورمادان یئل اونلارین جرگه سین داغیلدیر. بو گونلرین گئجه یئللری اؤزونو بیر سیرالاریندان گیزلتمک...
-
اوره یین نئجه چالیر؟
یکشنبه 5 اردیبهشتماه سال 1389 16:11
منیم اوره ییمین دؤیونتوسو چوخالیب، تئز-تئز چالیر، اوجا چالیر، هردن ده گؤرورسن ائله بیل آدامدا اورک یوخدو! داش کیمی چالماق دا بیلمیر. دوغروسو آدامین اوره یی نئجه چالسا یاخشی چالار؟ دویونتولرین هامیسی بیر اولسا، یوخسا هره سی بیر تهر چالسا؟ اورک نییه گرک چالا؟ نییه گرک چالمی یا؟ نه یه گرک چالا؟ نه یه گرک چالمییا؟! اوره_ک...
-
دونان
چهارشنبه 1 اردیبهشتماه سال 1389 08:51
اللرینی آغزینا یاخینلادیب بیربیرینه چاتیشدیریب، ایچینه پوفلویوردو. خئیلک واقتی دیر اوردا دایانمیشدی، دای دوداقلاری دا آچیلمیردی. قیشین قورو شاختا اولدوغو اینسانلارین آمانین کسیردی، تو دئییلدیکده گؤیده دونوردی. آیاق بارماقلارینین اوجوندان سویوخ جانینا گیریردی. سیزیلدیلار زوققولتویا چئوریلدیکده آیاقلاردان اوسته...
-
تونلانان
سهشنبه 31 فروردینماه سال 1389 11:11
باشی آشاغی یا ساللانمیش ایدی، بوینو لنگر کیمی چییین لری سانکی دیزلرینه ساپلامیش ایدی، گؤزلرینین یومولو اولمادیغینی آیاقلارینی اویناتماغیندان بیلمک اولاردی، بلکه ده اولمازدی. آیاق قابیلارینین اوجولا یئرین تورپاقلارینی اویان-بویانا آتدیغینین ایزین گؤرمک اولوردو.، تورپاقلار باشماقلارینین اوستونو بوروموشدور. دئیه سن...
-
یاغین لارین فرقی
یکشنبه 29 فروردینماه سال 1389 09:25
بوگون ده یاغیش یاغیر، هاوانین قاش-قاباغی یئری سوپورور. یاغیش یاغدیغیندا دئیه سن یئنی دن نفس وئریر هر کسه، هر یئره، هر ائوه. یازین یاغیشینین دا باشقا دادی وار. یاشیللیق لاری اوزه چکیر. یاغیش یاغاندان نئچه گون سونرا هاوا آرینیر، نفس لر راحات گلیر گئدیر. نئچه گون یاغیش یاغاندان سونرا هاوا بیر داها خارابلاشیر آدام بئله...
-
یولداشیمین دایی سی
شنبه 28 فروردینماه سال 1389 09:48
کئچمیش گونلرده نئچه نفر سوبای، بیر قالدیقدا بیر یولداشیمیز وارایدی لاپ ائو اوشاغی. شهرلرینده ایش تاپمادیغینا گؤره تئهرانا گلیب بیر دولتی ایداره ده ایشه باشلامیش دی. بیزیم یولداشیمیزین تئهراندا قوهوم قبله سی وارایدی، کی هر دن بیرینه قوناق گئدردی. قوهوملاری دا خئیر-شرلرینده بیزی یانی یولداشیمیزین ائو بیرلرینی...
-
نییه کئچمیش یازیلارین فونتلاری قاریشیق اولور؟
شنبه 28 فروردینماه سال 1389 08:59
گؤردویونوز کیمی کئچمیش یازیلاردا، بیر سطیرده اولان یازیلارین آراسیندا یئرسیز آرالار یارانیب، چیرکین لشیب، بونون ندنی یازیلاری WORD-دا یازیب، اوردان بورا گتیریلمَیی دیر. نه قدر اَللشدیم اونلاری دوزنلییَـنمه دیم، سیزلردن بو چتینلیـیی نئجه پوزا بیلَجه ییمی بیلن اولسا یازسین، چوخ سئویندیرر.
-
آیلی شهر
دوشنبه 23 فروردینماه سال 1389 13:38
آیلی شهر قارانلیق یئتیشیب هر یئری بوروموشدو، یولدا اولان ماشینلارین دا چیراقلاری یاندیریلیب، قارشیدان گلن سوروجولرین گؤزلرینه گیریب، دلیردی، سوروجولرین چوخلاری چیراقلارینی یوخاریـیا وورموش اولسایدیلار دا قارشیدان گلن ماشینلارا یئتینجه آشاغییا ائندیریردیلر، بیر سیرالاری دا تاپیلیردی یوخاریدا ساخلیـییب، اوز-اوزه...
-
مین بئله بایراملار
چهارشنبه 18 فروردینماه سال 1389 13:21
مین بئله بایراملار وعده یئلین اسدیـیینی گؤره بیلمهسم ده، اونون ائتگیلرین شهرده گؤرمک اولاردی، گؤرنلر دئییردیلر یئل آغاجلاری یئریندن چیخاردیردی. یئلدن سونرا هاوا قیزمیش ایمیش. هاوانین قیزماغی سوبالارین سؤندورولمهسینه سبب اولموشدو. قاپ-باجا دا آچیلمیش دی، هاوانین قیزقینلیغی دا کئچمیشدی، هاوا سویوقلاشمیشدی. گون...
-
بایرام یولچولوغوم
شنبه 14 فروردینماه سال 1389 14:27
بایرام یولو یادینیزدا اولسا گئچن یازیلاردا دئمیشدیم ایلین آخیر چرشمبهسی نی تئهراندا اولماق مجبوریـیتیندهیدیم، یادینیزدا اولماسا دا کئچن یازیلاردا چرشمبه یازیسینا باخین. دوزو چرشمبه نی سووب-سووشدورماز آذربایجانین گؤبهیینه یوللاندیم. چوخ جان آتدیم گوناورتا چاغی تئهراندان یوللانام، آنجاق دئیه سن او گون هر کس قورتولوب...
-
بایرام
شنبه 22 اسفندماه سال 1388 11:00
بایرام بایرام گلیر چاتیر، هر ایل ده تیکرارلانیر. آذربایجانلان باشلانالاراق، دونیانین چوخ یئرلرینده بایرام یایقین دیر. هر یئرین یئرلی آداملارینا اویغون بایرام دبلرینی گؤرمک اولور. بیر سیرا یئرلرده بو دبلر آغیر اولور، باشقالاریندا بیر آز یوموشاق. اینسانلار بیر آز اؤزلرین آیدین فیکیر حیس ائتدیکده بو دبلر...
-
بیزیم بایراملیغیمیز
چهارشنبه 19 اسفندماه سال 1388 14:02
" بیزیم بایراملیغیمیز یادینیزدان چیخماسین" بو گونلر هر یئرده لاپ چوخ ایشلنیلن سؤزلردن دیر. بایرام قاباغی هر یئره گیریسن ائله بو سؤزو ائشیدیرسن. هر دن قاپیلار دا دویولوب بایراملیق ایسته نیلیر. بیزیم اوچون آزی اون دفه فرقلی یئرلرده بایراملیق وئرمه قولاغیمیزا ایشلییر. یاواش یاواش آدام ماراق لانیر هر کیمی گؤرور...
-
چرشمبه
یکشنبه 16 اسفندماه سال 1388 17:06
ایلی آددیملییا-آددیملییا سونا چاتدیریریق. بایرام آیینین ایچینده ییک. دؤرد چرشمبه نین ایکی سین آتلییب اوچونجوسونه یاخینلاشیریق. بایرام یئلی ایسه هردن اسیر. بو ایل قیش دئدییین بیر شئی گؤرمه دیک. چیلله لردن خبر اولمادی. سویوقدان دا . قیشیمیز بئله اولدوق دا یاییمیز نئجه اولاجاق، آلاه بیلر. بو ایلین ده سون چرشمبه سینی...
-
آنا دیلیمیزه یان دورمالیـییق
یکشنبه 2 اسفندماه سال 1388 12:06
دونیالیق آنا دیلی گونو قوتلو اولسون.