هله دونیا بیزه چاتماغا چوخ واقتی وار!!!

    گونجل‌لشمه‌یه باشلایان چاغلاردان، بیزلر نه‌لری قازانیب، نه‌لری ایتیرمیشیک. دونیادا یارانان، هر بیر یئنی نسنه گئج-تئز الیمیزه چاتیب. الیمیزه چاتان‌لار ایلک وارلی‌لارین(پول‌لولارین)، سونرا ایسه بیزه تای الده اؤلن‌لرین الینه چاتیبدی.  

     یئنی یارانان نسنه‌لردن نئجه فایدالانماغی پارام-پارچا اؤیرنمیشیک. هر نسنه گلیب یاییلاندان سونرا( پیس ایشلندیکدن سونرا) هر نسنه‌نه‌له نئجه ایشله‌نیله‌ بیله‌جه‌یی، وورغولاماغا چالیشمیشیق.  

     هر گون یئنی بیر نسنه گلدیکده، بیزی اونو نئجه ایشلتمه‌یین اؤیره‌نه‌ دک، اوندان داها گلیشمیش نسنه‌لر یارانیب، بازارلارا چاتدیریلیر. بیزلر ده ها قاچیریق، یئنی نسنه‌لرین نئجه ایشلتمه‌یین اؤیره‌نیریک.  

   یئنی نسنه‌لرین ایچینده، یایین نسنه‌لری،ان چوخ یاییلان نسنه‌لردن ساییلیرلار. یایین نسنه‌لریندن، یئنی دونیا آدلانان اؤلکه‌لرین کولتورلریله تانیش اولوب، دیرلرینی منیمسه‌ییب، اونلار کیمی یاشاماق آرزیسیلا، آددیم‌لاریمیزی آتیریق. ها قاچ کی یئتیره‌سن؟  

   بیر ده‌یقه چکمیر دونیانین او باشیلا هر جوره ایلگی‌یه گیرمک اولور، نئچه آیلار چکن یول‌لاری، نئچه ساعات یئکه باشی بیر گون‌له ایکی گون آراسیندا گئتمک اولور.  

   دونیادا یاشانان هر اولایی بیزلرله پایلاشیرلار. دوشونه بیلمه‌دیییمیز قدر بیزه ایمکان یارادیرلار. بیزیم تکجه ایشیمیز اونلاری نئجه ایشلتمک اولور. هر دن بیر دویمه‌نی وورماق اولور. 

   هر دن دویمه وورماق دا بیزه چتین گلیر. اینانیریق بیر گون گله‌جک بارماق‌لاریمیزی ترپتمه‌یه بئله گرک اولمایاجاق. بیزیم اؤیرتمنیمیز دئمیشکن هر نه‌یین آدین چکسک اؤنوموزده اولاجاق.  

   بیزلر ده آیاق‌لاریمیزی اوزالدیب، داها نه‌لر دوزلده بیله‌جک‌لرینی آرامیزدا دانیشاجاییق. بیزیم ایشلمک واقتیمیز دئمک اوندا دیر. هله دونیا بیزه چاتماغا چوخ واقتی وار!!!